Para aprobar a materia, tanto en maio / xuño como en xullo, é necesario aprobar as partes teórica e práctica. No caso dos alumnos/ as non presenciais, a puntuación será dun 50% a parte teórica e dun 50% a parte práctica, sendo necesario superar tamén ambas as partes para aprobar a materia. A falta de entrega ou presentación de calquera dos traballos prácticos requiridos, en tempo e forma, supoñerá a non superación da parte práctica da materia. No caso de estudantes non presenciais, calquera proposta de compensación ou consideración da parte práctica debe presentarse antes do 20 de febreiro e de acordo co profesor da materia. Non se aceptará ningunha proposta de realización de traballo práctico despois desa data. O uso de teléfonos móbiles na aula non está autorizado.