CRITERIOS DE AVALIACIÓN PARA ASISTENTES 1ª EDICIÓN DE ACTAS
O contido teórico da materia está dividido en dous partes que
serán avaliadas independentemente. Cada alumno deberá obter un mínimo dun 4 en
cada unha das partes para poder superar a materia. Se un alumno obtén en
algures unha nota inferior a 4 ou non se presenta estará suspenso ou non
presentado, segundo o caso.
A avaliación de cada parte realizarase por separado e levará a
cabo segundo a descrición que se recolle en Sesión Maxistral e Prácticas de
Laboratorio dentro do epígrafe Avaliación para cada unha das Metodoloxías.
Valorarase sobre 10 e en caso de aprobar será liberatorio durante o ano
académico que foi superada a parte.
A porcentaxe de relevancia na nota final de teoría de cada parte é
o seguinte: Introdución (50%) e PmBok (50%).
O cálculo da nota final asociada á sesión maxistral e ás prácticas
de laboratorio, NF_Teoría, realizarase mediante o sumatorio das notas (Nn)
obtidas na avaliación de cada parte multiplicado pola súa porcentaxe de
relevancia.
NF_Teoría = N1*0,5+N2*0,5 Onde Nn >= 4;
A primeira convocatoria para a avaliación da primeira parte do
contido teórico da materia, Introdución, poderase realizar no exame que se
desenvolverá a metade do cuadrimestre, na semana 8 ou 9 segundo a planificación
horaria da ESEI para o segundo cuadrimestre. En caso de obter unha nota
inferior a 4 o alumno poderá optar á recuperación deste contido na segunda
convocatoria prevista no calendario da ESEI.
A primeira convocatoria para a avaliación da segunda parte do
contido teórico da materia, PMBok, poderase realizar no exame que se
desenvolverá ao finalizar do cuadrimestre, na semana 16 segundo a planificación
horaria da ESEI para o segundo cuadrimestre. En caso de obter unha nota
inferior a 4 o alumno poderá optar á recuperación deste contido na segunda
convocatoria prevista no calendario da ESEI.
A avaliación do traballo ou proxecto final, NF_Proxecto,
realizarase sobre 10 e terá en conta aspectos técnicos, estéticos, gramaticais,
e todos aqueles relacionados coa obtención de documentos de calidade técnica.
Os traballos serán realizados en grupo en caso de avaliación presencial. NF_Proxecto
non poderá ser inferior a 4 para superar a materia e a data de entrega será a
mesma que a prevista para o exame da parte teórica PMBok.
Os alumnos que non superen algunha das partes na correspondente
primeira convocatoria, poderán optar a superala na segunda convocatoria en base
ao calendario proposto pola ESEI. Para a avaliación do traballo ou proxecto
final, en segunda convocatoria, é de aplicación este mesmo criterio, e o
traballo será entregado ao profesor na mesma data prevista para o exame de
segunda convocatoria.
A avaliación final do alumno realizarase tendo en conta as
porcentaxes indicadas nos apartados anteriores desta avaliación. Neste sentido
o cálculo final da nota realizarase seguindo a seguinte forma:
Nota_Final = NF_Teoría*60% + NF_Proxecto*30% + Seminarios*10%
Onde NF_* >= 4;
A nota correspondente a Seminarios só poderá ser obtida durante o
proceso de avaliación continua e no caso de que o alumno teña valoración 0
neste apartado esa será a nota que constará durante o ano académico en curso
para o correspondente apartado.
Os alumnos que se presenten en segunda convocatoria só o terán que
facer das partes non superadas sen detrimento de o indicado no parágrafo
anterior. CRITERIOS DE AVALIACIÓN PARA NON ASISTENTES
Os alumnos que non participasen de forma presencial nas
actividades propostas na materia, poderán aprobar a materia superando as probas
expostas segundo a descrición anterior para obter a NF_Teoría e se obteñen unha
NF_Proxecto superior a un 5 nun proxecto que o profesor responsable da materia
asignoulle nas 6 primeiras semanas desde o comezo do curso. Esta asignación
realizarase por parte do profesor responsable e a petición do alumno por
escrito asinado por ambas as partes.
A avaliación final do alumno realizarase tendo en conta as
porcentaxes indicadas nos apartados anteriores. O cálculo final da nota
realizarase seguindo a seguinte forma:
Nota_Final = NF_Teoría*60% + NF_Proxecto*40%
Onde NF_* >= 5; CRITERIOS DE AVALIACIÓN PARA 2ª EDICIÓN DE ACTAS E FIN
DE CARREIRA
Empregarase o mesmo sistema de avaliación descrito para a primeira
edición de actas tanto no caso de asistentes como de non asistentes.
Os alumnos que se presenten en segunda edición, despois de
presentarse á primeira edición, só o terán que facer das partes non superadas.
A avaliación correspondente á convocatoria extraordinaria de fin
de carreira axustarase aos mesmos parámetros descritos anteriormente na modalidade
PRESENCIAL e na NON PRESENCIAL. PROCESO DE CUALIFICACIÓN DE ACTAS
Todos os alumnos están obrigados a realizar e/ou presentar as
probas necesarias para calcular a cualificación que corresponda ás notas NF_Teoría
e NF_Proxecto que se describen nos apartados anteriores. Os alumnos que non
realizasen as probas asociadas con NF_Teoría terán a cualificación de Non Presentado.
Os alumnos que NON presentasen os traballos asociados a NF_Proxecto
serán cualificados coa nota calculada seguindo o mecanismo comentado nos
apartados anteriores, se esta nota é inferior a 4. No caso de que a nota
calculada sexa superior a 4 a cualificación de Nota_Final será 4. DATAS DE AVALIACIÓN.
Os exames oficiais da materia de Dirección e Xestión de
Proxectos desenvolveranse nas datas e horarios publicados na páxina web da
Escola Superior de Enxeñaría Informática (ESEI). Todas as datas de exame
son as aprobadas pola Xunta de Centro da ESEI.
O calendario de probas de avaliación aprobado oficialmente pola
Xunta de Centro dá ESEI atópase publicado na páxina web
http://www.esei.uvigo.es. |