Recoméndase o estudo diario da materia, a lectura das explicacións gramaticais dadas na clase, o desenvolvemento dos exercicios prácticos e a autocorreción. Para poder seguir as clases recoméndase posuír un nivel B2+ de inglés (Marco Europeo de Referencia das Linguas) .
Ademais da asistencia regular ás sesións presenciais, resulta imprescindible para seguir e superar a materia o uso dos recursos bibliográficos. Sendo así, é altamente recomendable que o material manexado polo alumnado inclúa a lectura de xornais, libros e revistas en lingua inglesa, o visionado de videos, series e similares en lingua inglesa.
A avaliación terá en conta non só a pertinencia e calidade do contido senón tamén a súa corrección lingüística.
É responsabilidade do alumnado consultar os materiais e as novidades a través da plataforma Faitic e de estar ao tanto das datas nas que as probas terán lugar.
A copia ou plaxio total ou parcial en calquera tipo de traballo ou exame suporá un cero nesa proba. Alegar descoñecemento do que supón un plaxio non eximirá ao alumno/a da súa responsabilidade neste aspecto.
Durante a realización dos exames non se permite a utilización de dicionarios, apuntamentos, ordenador, conexión a internet ou calquera outro medio electrónico.
Universidade de Vigo
|
Rectorado |
Campus Universitario |
C.P. 36.310 Vigo (Pontevedra) |
España |
Tlf: +34 986 812 000
