• TEMA-1 E TEMA-2, MÓDULO-1: Proba de tipo test TEST-1; máximo de 1,50 puntos (1h00' "a priori"; 0h50' efectivas, equivalentes a 0,83h).
• TEMA-1 E TEMA-2, MÓDULO-1: Titoría en grupo. Comentario da PRÁCTICA-1 e do TEST-1 realizados (01h00' "a priori"; 0h55' efectivas, equivalente a 0,92h).
• TEMA-2, MÓDULO-2: Actividade introductoria (2h00' "a priori"; 1h45' efectivas, equivalentes a 1,75h).

• TEMA-3: Seminario. PRÁCTICA-2, ENCOMENDA-2 (3h00' "a priori"; 2h50' efectivas, equivalentes a 2,83h).
• TEMA-3: Seminario. PRÁCTICA-2, ENCOMENDA-3 (1h00' "a priori"; 0h55' efectivas, equivalentes a 0,92h).

2.1.2. - Probas prácticas da materia

Constitúe o 70% da cualificación final total da
materia (isto é, 7,0 puntos sobre os 10,0 posíbeis). Consistirá na realización
dun conxunto de probas prácticas, de execución de tarefas reais e/ou simuladas
relacionadas coa ofimática avanzada aplicada á tradución (45% da cualificación
final total) e coa Tradución Asistida por Computador/Ordenador (25% da cualificación
final total).

Cada unha das probas terá unhas pautas concretas
de obrigado cumprimento como son un tempo limitado de execución, unha data
máxima de entrega e uns parámetros específicos de realización (programas e/ou
versións concretos a empregar, formatos específicos de traballo, métodos
concretos de entrega, etc.). Calquera proba entregada que non cumpra cos
requisitos esixidos será penalizada segundo os parámetros de avaliación
establecidos de antemán.

Aínda que a planificación e a estrutura xeral das
probas poida ser semellante en cada curso académico as probas son
diferentes en cada curso académico; ademais, para evitar a copia das mesmas entre
o alumnado da materia existe un conxunto de mecanismos habilitados para detectar
posibles copias e/ou plaxios. No caso de detectar algunha copia e/ou plaxio
entre o alumnado e/ou algún intento de entregar unha práctica de cursos
pasados, as persoas involucradas na copia e/ou plaxio serán automaticamente
expulsadas da avaliación continua e a cualificación que constará na mesma será
a de NON PRESENTADO/A (N.P.); aínda que, se queren, poderán presentarse á
avaliación final única.

Cada proba poderá entregarse unha soa vez. No
caso de entregar mais dunha vez unha proba dentro do prazo establecido, vai
considerarse como válida á última das versións entregadas (pero, de entregarse
novamente, hai que volvela a entregar toda). Unha vez expirado o prazo máximo
de entrega non se aceptará proba algunha (agás circunstancias especiais que
valoraran os/as docentes da materia); e as probas non entregadas cualificaranse
con 0,0 puntos.

Vanse establecer diferentes quendas de entrega
das probas prácticas de maneira que, unha vez rematadas as sesións presenciais
de cada encomenda ou suposto, o alumnado dispuña aínda, como mínimo, dunha ou
dúas semanas complementarias para poder acabalas de maneira autónoma (por si
fose o caso de ter que dispor de mais tempo para illo).

P1 - PROBA PRÁCTICA Nº 1. Na páxina web http://jmv.webs.uvigo.es/material.htm
pódense consultar todos os pormenores actualizados desta proba. Está
relacionada co Módulo-1 do Tema-2 ("A ofimática avanzada aplicada á tradución");
e o obxectivo desta práctica é aplicar os coñecementos e destrezas adquiridos
neste módulo ao ámbito específico da tradución profesional. A práctica constitúe
un máximo de 4,5 puntos da avaliación continua da materia. Consiste na realización e posterior entrega
de 1 das 3 encomendas ou supostos de tradución relacionados con este ámbito.
A entrega desta primeira práctica vai ser na 8ª semana do curso.

Se o alumnado asiste regularmente ás clases
presenciais terá realizado xa, aproximadamente, o 80% da práctica (en calquera
das 3 encomendas ou supostos); o 20% restante forma parte do traballo a
realizar de maneira autónoma por parte do alumnado segundo explícita as
directrices de Bolonia. As tres encomendas conteñen tamén aspectos relacionados
coas novas tecnoloxías da tradución e a comunicación (TIC) e a xestión de
proxectos, as ferramentas telemáticas e o traballo colaborativo no ámbito da
tradución profesional. Unha vez
finalizadas as horas de clase asociadas a esta proba vaise facer un sorteo
público para decidir cal das 3 encomendas vaise ter que entregar para ser
avaliada. A partir dese momento, o alumnado vai dispor dun período de tempo
adicional para poder acabar na aula informática a encomenda escollida para a
súa entrega.

• P1-E1 - PRÁCTICA-1, ENCOMENDA-1:
  centrada nas funcións avanzadas dos procesadores de texto e das follas de
  cálculo relacionadas  co ámbito
  profesional da tradución e coa maquetación profesional de documentos
  (Módulo-1 do Tema-2).


• P1-E2 - PRÁCTICA-1, ENCOMENDA-2:
  centrada na telemática, e a creación, tradución e hospedaxe de páxinas web
  (Módulo-1 do Tema-2).


• P1-E3 - PRÁCTICA-1, ENCOMENDA-3:
  centrada nos programas lexicográficos, nas bases de datos de todo tipo e
  nas follas de cálculo relacionados co ámbito profesional da tradución (Módulo-1
  do Tema-2).

P2 - PROBA PRÁCTICA Nº 2. Na páxina web http://jmv.webs.uvigo.es/material.htm pódense
consultar todos os pormenores actualizados desta proba. Está relacionada co
Tema-3 ("A tradución asistida por computador/ordenador"); e o obxectivo desta práctica é aplicar
os coñecementos e destrezas adquiridos neste módulo no ámbito profesional da
tradución. A práctica constitúe un máximo de 2,5 puntos da avaliación continua
da materia. Consta de tres encomendas, das que a "ENCOMENDA Nº 1" e a
"ENCOMENDA Nº 2" son non avaliables e soamente van servir para adquirir experiencia
cara á "ENCOMENDA Nº 3", que si vai ser avaliable. A entrega desta segunda práctica
vai ser na 13ª semana do curso.

• P2-E1 - PRÁCTICA-2, ENCOMENDA Nº 1: é
  non avaliable e soamente vai servir para adquirir experiencia cara á "ENCOMENDA
  Nº 3", que si é avaliable.


• P2-E2 - PRÁCTICA-2, ENCOMENDA Nº 2: é
  non avaliable e soamente vai servir para adquirir experiencia cara á "ENCOMENDA
  Nº 3", que si é avaliable.


• P2-E3 - PRÁCTICA-2, ENCOMENDA Nº 3: O valor
  total desta encomenda é de 2,5 puntos.

2.1.3. - Exames tipo test (de preguntas obxectivas) da
materia

Na páxina web http://jmv.webs.uvigo.es/material.htm
pódense consultar todos os pormenores actualizados destes exames tipo test (de preguntas
obxectivas) da materia. Constitúen o 30% da cualificación final total da materia
(isto é, 3,0 puntos sobre os 10,0 posíbeis). Consistirá na realización de dos exames tipo test (de preguntas obxectivas) para avaliar os coñecementos relacionados coas
competencias da materia.

No caso de detectar algunha copia entre o
alumnado, as persoas involucradas na copia serán automaticamente expulsadas da
avaliación continua e cualificadas con NON PRESENTADO/A (N.P.); aínda que
poderán presentarse á avaliación final.

Como xa se comentou anteriormente, é requisito indispensable
para poder presentarse ós exames de  preguntas obxectivas da materia ter
entregado a FICHA DE ALUMNO/A convenientemente cumprimentada. De non ser o
caso, excepcionalmente, o/a alumno/a vaise poder presentar ós  exames de  preguntas obxectivas da materia se pode
identificarse nese preciso momento con algún documento oficial onde conste o
seu nome e apelidos e a súa fotografía; e si entrega con posterioridade a
devandita FICHA DE ALUMNO/A.

O valor de cada resposta correcta será
proporcional ao número total de preguntas formuladas e ao principio de cada exame
vaise establecer (de maneira moi clara e por escrito) as posíbeis penalizacións
das respostas incorrectas e/ou das respostas deixadas en branco. Estes
parámetros poden variar dun exame a outro desta avaliación continua ou da
avaliación final.

• T1 - EXAME DE PREGUNTAS OBXECTIVAS Nº 1: Está
  relacionado co Tema nº 1 ("Introdución á materia de 'Ferramentas para
  a tradución e a interpretación I: Informática'"), o subtema do Tema
  nº 2 ("A ofimática aplicada á tradución"), e a proba Práctica nº
  1 da materia. A realización deste primeiro exame de preguntas obxectivas
  vai ser na 9ª semana do curso.


• T2 - EXAME DE PREGUNTAS OBXECTIVAS Nº 2: Está
  relacionado co subtema do Tema nº 2 ("Introdución á Tradución
  Asistida por Computador/Ordenador"), o Tema nº 3 ("A Tradución Asistida
  por Computador/Ordenador"), e a proba Práctica nº 2 da materia. A realización deste
  segundo exame de preguntas obxectivas vai ser na 14ª semana do curso.

Na medida do posíbel vaise tentar respectar a
programación establecida "a priori"; pero, obviamente, a mesma fica
suxeita a posíbeis cambios de última hora debidos a imprevistos de tipo
persoal, académico e/ou técnico (que serían oportunamente informados a todo o
alumnado da materia a través de todos os medios dispoñíbeis para illo).

2.2. - Primeira edición de actas da materia:
modalidade de "avaliación única"

O alumnado que se acolla á modalidade de
avaliación única na primeira edición de actas da materia vai ter que realizar un
único exame de preguntas obxectivas cun valor máximo de 10,0 puntos en total (o
100% da nota final).

Nesta modalidade de avaliación única non é
requisito que o alumnado entregue FICHA DE ALUMNO/A algunha; pero, obviamente,
vai ter que identificarse o día do exame con algún documento oficial onde
conste o seu nome e apelidos e a súa fotografía.

Nesta modalidade de avaliación única da primeira edición
de actas da materia, dada a especial idiosincrasia desta materia e dos
especiais requisitos de hardware e software que precisa "a priori"; por razóns
de tempo, infraestrutura e de procedemento, basicamente, non se vai esixir ao
alumnado (a diferenza da avaliación continua) que faga ningunha proba/encomenda
práctica. Sen embargo, neste exame de preguntas obxectivas,
váiselle esixir (entre outras cuestións) que probe que sabería facelas se fose
necesario (que sabería utilizar os programas, formatos, procedementos,
metodoloxías, etc. esixíbeis para a súa realización).

Así, pois, as preguntas deste exame de preguntas
obxectivas estarán relacionadas, de maneira xeral, con aspectos teóricos e
prácticos da materia; pero, de maneira particular, tamén coas probas prácticas
de execución de tarefas reais e/ou simuladas realizadas na modalidade de
avaliación continua da primeira oportunidade de avaliación oficial.

O valor de cada resposta correcta será
proporcional ao número total de preguntas formuladas e ao principio de cada exame
vaise establecer (de maneira moi clara e por escrito) as posíbeis penalizacións
das respostas incorrectas e/ou das respostas deixadas en branco. Estes
parámetros poden variar ao respecto dos diferentes exames de preguntas
obxectivas da modalidade de avaliación continua realizados.

De detectarse algún intento de copia no exame de
preguntas obxectivas, o alumnado involucrado será de inmediato cominado a
abandonar a aula e o seu exame será cualificado con SUSPENSO/A (0,0 puntos).

Para aprobar a materia nesta avaliación única da primeira edición de
actas da materia o alumnado deberá obter un mínimo de 5,0 puntos no exame de
preguntas obxectivas (sen excepción algunha).

Por acordo da Xunta de Facultade do 03/06/16, "O
exame / A proba/ A entrega de traballos para o alumnado de avaliación única
será a data establecida no calendario de exames aprobado en Xunta de FFT".

3. - SEGUNDA EDICIÓN DE ACTAS DA MATERIA

A segunda edición de actas da materia rexerase polos mesmos parámetros que a primeira edición de actas da materia na súa modalidade de avaliación única. Con todo, os parámetros relacionados coas posibles penalizacións das respostas incorrectas e/ou das respostas deixadas en branco no exame de preguntas obxectivas poden variar ao respecto desta.