O TFM é unha actividade fundamental na
formación de posgrao dos estudantes, dado que
supón a elaboración dun traballo no
que ha de demostrar que adquiriu todas as
competencias xerais (capacidade de análise e
síntese, de organización e planificación, xestión
da información, comunicación oral e escrita,
capacidade crítica, e aprendizaxe autónoma)
descritas na memoria do Título.
Máis especificamente, a realización do TFM
supón o deseño, a planificación e realización dun
traballo sobre unha temática relativa á
especialidade que cursou o estudante, e a súa
presentación e defensa ante un tribunal de profesores do MBA.
Os contidos do Proxecto fin de Máster
inclúen a planificación de tarefas para resolver
un proxecto, a realización das devanditas tarefas e
finalmente a concreción dos resultados nunha
memoria explicativa do problema exposto, o
procedemento seguido para o seu estudo ou
elaboración, a interpretación dos resultados ou
do deseño exposto e finalmente o resultado ou
a plasmación do traballo final.
Os Traballos Fin de Máster ofertados deberán ser
realizados individualmente.
Os contidos do Proxecto Fin de Máster varían
en función de se o proxecto exposto é
de perfil profesional ou académico-investigador.
Aínda que conceptualmente son similares, os
contidos e a forma de estruturalos varían
lixeiramente requirindo no caso do traballo
Fin de Máster de perfil académico-investigador que
o titor sexa doutor. |
|
