Avaliación continua O alumno/a deberá facer as prácticas e elaborar e presentar as memorias das prácticas que se lle encomenden ao longo do curso. Permitiranse dúas faltas de asistencia a prácticas, aínda que nestes casos o alumno/a deberá facer igualmente un traballo compensatorio relacionado con cada práctica á que non asistiu, acordado co profesor correspondente. Ademais, haberá tres probas de seguimento ao longo do curso (dúas correspondentes aos contidos teóricos e unha aos contidos prácticos), que serán liberatorias do exame final se son aprobadas polo alumno/a. O valor de cada unha das probas de seguimento será dun 30% as teóricas (15% cada unha) e un 70% a práctica.
O alumno/a que teña pendente só algunha(s) proba(s) de seguimento, poderá recuperala(s) unicamente na convocatoria de Xuño.
Convocatorias oficiais
O alumno/a que non supere a materia por avaliación continua terá que presentarse a un exame final, teórico-práctico.
O alumno/a que teña superadas as prácticas, e só teña suspensa(s) algunha(s) proba(s) de seguimento, fará unha proba reducida cunha parte teórica (30% da nota) e outra práctica (70% da nota). O alumno/a que non supere as prácticas fará unha proba ampliada con valor do 100% da nota (30% a parte teórica e 70% a parte práctica). Aclaracións A nota final do alumno/a calcularase a partir das notas das distintas probas, tendo en conta a ponderación destas (probas teóricas 30%, proba práctica 70%). De calquera xeito, para superar a materia é condición necesaria superar todas as partes sen que ningunha das notas sexa inferior ao 4 (nota mínima para compensar) e ter unha media de aprobado (nota >=5). Nos casos en que a nota media sexa igual ou superior ao valor do aprobado (>=5) pero nalgunha das partes non se acadase o valor mínimo de 4, a cualificación final será de suspenso. A modo de exemplo, un alumno/a que obtivese as seguintes cualificacións: 5, 3 e 9, estaría suspenso, aínda cando a nota media dá un valor >=5, ao ter unha das partes por baixo da nota de corte (4). Nestes casos, a nota que se reflectirá na acta será de suspenso (4). |