A proposta docente está centrada na participación activa dos alumnos en procesos de colaboración mediante traballos de grupo. A construción de solucións  e o propio proceso de aprendizaxe atenden ás necesidades da sociedade contemporánea, onde as estruturas colectivas son moi abertas, dinámicas e se presentan cunha grande complexidade. O grupo de traballo é un modelo moi eficaz para reproducir estes parámetros. Criterios de avaliación: -A asistencia e implicación do alumno en cada actividade docente. -A súa capacidade de manexo dos contidos, a xestión correcta das argumentacións, a súa adecuación á formulación proposta, a capacidade de suxestión e a eficacia das súas intervencións. -O seu interese e eficacia para levar ao límite as reflexións e a proposta elixida. -Así mesmo, valorarase a incidencia  positiva ou negativa do seu traballo nos distintos grupos (equipos de traballo e aula). Para aqueles alumnos que non satisfagan estes obxectivos ao longo do curso, tense prevista unha proba escrita correspondente á convocatoria de febreiro que se sumará á cualificación dos seus traballos. A convocatoria extraordinaria de xullo consistirá nunha proba escrita e na avaliación das carpetas coa documentación elaborada respecto aos seminarios, aos traballos individuais e aos resultados do obradoiro colectivo. PROBA DE AVALIACIÓN CONVOCATORIA EXTRAORDINARIA DE XULLO: 1 DE XULLO ÁS 10.00 HORAS