Temas de economía é unha materia de introdución á economía. É un curso pensado para os estudantes do Programa para Maiores e ten un claro carácter aplicado ás cuestións económicas actuais, tanto microeconómicas como macroeconómicas. O estudante enfrontarase a temas de sector público como as externalidades, bens públicos e impostos; Temas de finanzas como o funcionamento do sistema financeiro, aforro e investimento; e Temas sobre o diñeiro como o funcionamento do sistema monetario e a inflación. Durante o curso analizaremos e debateremos sobre: o cambio climático, a traxedia dos comúns, o imposto de sucesión, os bancos, o Banco Central Europeo, risco, bonos, accións, pensións, o euro, as moedas virtuais, os prezos, o IPC e o poder adquisitivo.
