O Traballo Fin de Grao ten que ser elaborado de forma individual e autónoma por cada estudante, baixo a orientación dun titor académico.
Non se aceptará, en ningún caso, a presentación dun TFG que conteña parte dun traballo que fose realizado previamente para outra materia da titulación.
O Traballo Fin de Grao finalizará coa presentación e defensa por parte do seu autor, de forma individual, ante un Tribunal que o avaliará e cualificarao. En primeiro lugar o estudante terá que entregar a Memoria do TFG e despois realizará a presentación oral da mesma durante 15 minutos e terá que defendela ante os membros do Tribunal que poderán preguntar ou discutir co estudante aqueles aspectos que consideren necesarios.
As datas e horarios das probas de avaliación das diferentes convocatorias son as especificadas no calendario de probas de avaliación aprobado pola Xunta de Centro para o curso 2017/2018.
No caso de conflito ou disparidade entre as datas dos exames prevalecerán as sinaladas na páxina web da Facultade. |
