No caso de que o/a estudante non entregue, en tempo e forma o cartafol  e a memoria de prácticas de cada período, repercutirá negativamente na nota, restándose un 5 % da cualificación do período correspondente; ás prácticas clínicas II están vinculados dous períodos, será necesario alcanzar unha cualificación mínima de catro puntos sobre dez en cada unha das avaliacións, para poder optar ao aprobado. En unidades de hospitalización e centro sociosanitarios, realizaranse Plans de Atención de Enfermaría, que se avaliarán dentro do 25% correspondente ao titor/a (10 % PAES). As faltas de asistencia non xustificadas suporán o suspenso e a interrupción inmediata da rotación en curso, mentres que se se trata de faltas xustificadas permitirase un máximo de 4 por período, que serán de recuperación obrigatoria na data establecida para tal fin polo responsable da materia.