|
<p>Ao final do cuadrimestre, unha vez realizadas as probas de avaliación continua e os exames, o alumno disporá dunha cualificación sobre 10 puntos de Álxebra (A) e unha cualificación sobre 10 puntos de Estatística (E). A cualificación final da materia calcularase da seguinte forma:</p><p>-Se ambas as notas, A e E, son maiores ou iguais a 3.5, entón a cualificación final será (A+E)/2.</p><p>-Se algunha das notas A ou E é menor que 3.5, entón a cualificación final será o mínimo das cantidades (A+E)/2 e 4.5.</p><p>Os alumnos aos que o Centro lles conceda a renuncia á avaliación continua serán avaliados a través dun exame final de Álxebra (que suporá o 100% da nota desta parte) e outro de Estatística (que suporá o 100% a nota desa parte). A cualificación final calcularase segundo o prodecemento descrito anteriormente.</p><p>A un alumno outorgaráselle a cualificación de non presentado se non se presenta a ningún dos exames finais das dúas partes da materia; en caso contrario considerarase presentado e outorgaráselle a nota que lle corresponda.</p><p>A avaliación dos alumnos na segunda edición das actas realizarase mediante un exame de Álxebra e outro de Estatística que suporán o 100% da nota final de cada parte. Para calcular a cualificación final da materia aplicarase o procedemento descrito arriba.</p><p>Se ao final do cuadrimestre (primeira edición de actas) un alumno obtén unha cualificación superior ou igual a 5 puntos (sobre 10) nunha das partes (Álxebra ou Estatística) entón, na segunda edición, poderá non presentarse ao exame final desa parte e conservar a nota obtida na primeira edición.</p><div><p><b>Compromiso ético: </b>Espérase que o alumno presente un comportamento ético axeitado. No caso de detectar un comportamento non ético (copia, plaxio, utilización de aparatos electrónicos non autorizados, e outros) considerarase que o alumno non reúne os requisitos necesarios para superar a materia. Neste caso a cualificación global no presente curso académico será de suspenso (0.0).</p><p>Non se permitirá a utilización de ningún dispositivo electrónico durante as probas de avaliación salvo autorización expresa. O feito de introducir un dispositivo electrónico non autorizado na aula de exame será considerado motivo de non superación da materia no presente curso académico e a cualificación global será de suspenso (0.0).</p><p><b>Profesores responsables por grupo:</b></p><p>Grupo A: Eduardo Godoy Malvar / Gloria Fiestras Janeiro</p><p>Grupo B: Alberto Martín Méndez / José María Matías Fernández</p><p>Grupo C: Alberto Castejón Lafuente / José María Matías Fernández</p><p>Grupo D: Cecilio Fonseca Bon / Celia Rodríguez Campos</p><p>Grupo G: José Ramón Fernández García /&nbsp;María Gómez Rúa</p><p>Grupo H: José Ramón Fernández García / Ricardo Luaces Pazos</p><p>Grupo I: Cecilio Fonseca Bon / Juan Carlos Pardo Fernández</p><p>Grupo J: Eduardo Martínez Brey / Ricardo Luaces Pazos</p><p>Grupo K: Cecilio Fonseca Bon / José María Matías Fernández</p><p>Grupo L: Alberto Castejón Lafuente / Leticia Lorenzo Picado</p></div> |
