Para superar a materia, o estudante pode optar por un dos dous seguintes tipos de avaliación (a elixir a principio do curso): AVALIACIÓN CONTINUA A participación do estudante en calquera das dúas probas de resposta curta programadas durante o curso, inhabilítao para obter a cualificación de NON PRESENTADO. Para superar as probas curtas así como o exame final, será necesario que exista un equilibrio nas cualificacións da parte teórica e a de problemas. A cualificación na primeira edición da convocatoria estará integrada polas cualificacións obtidas nas clases de resolución de problemas (entregables) (1 punto), probas curtas (4 puntos) e exame final (5 puntos). Cualificación na 2ª edición da convocatoria (Xullo): A cualificación nesta convocatoria estará formada por dous compoñentes: 1. Puntuacións obtidas polo estudante durante o curso (4 puntos). A ponderación dos problemas resoltos en seminarios (entregables) será de 0.5 puntos e as das dúas probas curtas de 3.5 puntos 2. Exame final dos contidos da materia (6 puntos). Esta proba incluirá preguntas de resposta curta, problemas e preguntas tipo test. Será necesario que exista un equilibrio nas cualificacións da parte teórica (preguntas tipo test e cuestións de resposta curta) e a de problemas para superar a materia. AVALIACIÓN ÚNICA: O estudante será avaliado mediante un único exame final (10 puntos) que poderá incluír cuestións de resposta curta, problemas e preguntas tipo test. Será necesario que exista un equilibrio nas cualificacións da parte teórica (cuestións de resposta curta e preguntas tipo test) e a de problemas para superar a materia. A elección deste xeito de avaliación debe comunicarse ao profesor nun prazo máximo dun mes desde o comezo do cuadrimestre a través dun impreso que se habilitará en FAITIC. Unha vez elixido o modo de avaliación (continua ou única) non se permitirán cambios entre ambos os sistemas. No caso de que o estudante non se manifeste respecto diso, entenderase que segue o modo de avaliación continua. SE AS CIRCUSTANCIAS O REQUIREN, AS PROBAS DE AVALIACIÓN LEVARANSE A CABO DE XEITO VIRTUAL. |