Ante a incerta e imprevisible evolución da alerta sanitaria provocada pola COVID-19, a Universidade establece unha planificación extraordinaria que se activará no momento en que as administracións e a propia institución o determínen, atendendo a criterios de seguridade, saúde e responsabilidade, e garantindo a docencia nun escenario non presencial ou non totalmente presencial. Estas medidas xa planificadas garanten, no momento que sexa preceptivo, o desenvolvemento da docencia dun xeito máis áxil e eficaz ao ser coñecido con antelación polo alumnado e o profesorado a través da ferramenta normalizada e institucionalizada das guías docentes DOCNET.
1. Modalidade semipresencial
No caso de activarse o ensino semipresencial suporía unha redución dos aforos dos espazos docentes empregados na modalidade presencial, polo que como primeira medida o centro proporcionaría ao profesorado da materia a información relativa aos novos aforos dos espazos docentes, ao obxecto de que poida proceder a reorganizar as actividades formativas do que resta do cuadrimestre. Cabe sinalar que a reorganización dependerá do momento ao longo do cuadrimestre en que se active dita modalidade de ensino. Na reorganización do ensino seguiríanse as seguintes pautas:
Informarase a todo o alumnado a través da plataforma MooVi das condicións en que se desenvolverán as actividades formativas e as probas de avaliación que resten para finalizar o cuadrimestre.
As sesións de titorización realizaranse por medios telemáticos: de forma asíncrona mediante correo electrónico, foros de MooVi, etc. ou de forma síncrona mediante o despacho virtual do Campus Remoto con concertación de cita previa.
No caso de que parte do alumnado teña realizadas prácticas de laboratorio de informática de forma presencial, realizaranse presencialmente, de ser posible, estas actividades ou outras equivalentes para o alumnado que non as realizou.
Das actividades que resten para finalizar o cuadrimestre, identificaranse aquelas actividades formativas que poidan ser realizadas por todo o alumnado de forma presencial e as actividades formativas que se realizarán en modo remoto.
En relación as ferramentas para empregar nas actividades formativas que se realicen en modo non presencial, contarase co uso de Campus Remoto e a plataforma MooVi.
2. Modalidade non presencial
No caso en que se active a modalidade de ensino non presencial (suspensión de todas as actividades formativas e de avaliación presenciais) empregaranse as ferramentas dispoñibles na actualidade na Universidade de Vigo: Campus Remoto e MooVi. As condicións de reorganización dependerán do momento ao longo do cuadrimestre en que se active dita modalidade de ensino. Na reorganización dos ensinos seguiríanse as seguintes pautas:
2.1. Comunicación
Informar a todo o alumnado a través da plataforma MooVi das condicións nas que se desenvolverán as actividades formativas e as probas de avaliación que resten para finalizar o cuadrimestre.
2.2. Adaptación e/ou modificación de metodoloxías docentes
Aínda que as metodoloxías docentes están concibidas para a modalidade de ensino presencial a idea é manter todas as metodoloxías docentes, dado que poden adaptarse á modalidade non presencial con lixeiros cambios.
As metodoloxías "Lección maxistral", "Resolución de problemas" e "Estudo de casos" abordaríanse coa axuda de Campus Remoto e complementaríanse con algún documento adicional con explicacións e algún test de autoevaluación de apoio á aprendizaxe autónoma.
Para a metodoloxía "Prácticas con apoio do TIC" tentarase implementar un sistema que permita o acceso remoto ao servidor de licenzas. Deste xeito, as prácticas realizaríanse de forma remota, sen máis que uns leves retoques, utilizando o Campus Remoto para as explicacións e a supervisión das mesmas.
2.3. Adaptación de atención de titorías e atención personalizada
As sesións de titorización realizaranse por medios telemáticos: de forma asíncrona mediante correo electrónico, foros de MooVi, etc. ou de forma síncrona mediante o despacho virtual do Campus Remoto con concertación de cita previa.
2.4. Avaliación
O sistema de avaliación manteríase, levándose a cabo as probas de forma non presencial mediante Campus Remoto e MooVi.
No caso de que o período de docencia non presencial sexa de polo menos 6 semanas, ofertarase ao alumnado que segue a avaliación continua a realización de 3 tests de avaliación extra, a través de MooVi, de 0.25 puntos cada un. A nota final obteríase mediante a fórmula
N=mín(NEC+TEE, 10)
sendo NEC a nota total prevista no caso de docencia presencial e TEE a nota total obtida no test avaliación extra.
2.5. Bibliografía ou material adicional para facilitar a auto-aprendizaxe
Non se considera necesario. |
