A nota final da materia constará de dous bloques. Por un lado, as probas escritas, que valerán ata un 70% da nota (7 puntos) e, doutra banda, a avaliación continua, que pesará ata un 30% na nota final (3 puntos).

Exames escritos (ata 7 puntos): haberá un exame parcial liberatorio da primeira metade da materia na semana 9-10 e un exame final que se realizará na data oficial establecida no calendario de exames. Os alumnos que superen o exame parcial só terán que examinarse no exame final da segunda parte do programa. Os alumnos que non superen o exame parcial terán que examinarse de toda a materia no exame final.

Para poder aprobar a materia será requisito imprescindible obter, como mínimo, 3 puntos dos 7 posibles neste primeiro bloque.

Avaliación continua (ata 3 puntos): o 30% restante da nota obterase mediante a avaliación continua do alumno, o que inclúe a asistencia tanto ás clases teóricas como ás clases prácticas e aos seminarios, a entrega de follas de exercicios, a entrega de traballos e a nota dos pequenos controis que periodicamente se poidan facer.