Para os alumnos/as que participaron nas clases presenciais e realizaron as probas prácticas durante o curso:

- Na primeira convocatoria o alumnado realizará unha proba mixta de preguntas de resposta longa e curta. Esta proba escrita suporá o 50 % da cualificación final, e versará sobre os contidos expostos durante as sesións maxistrais. Para facer media con a nota obtida nas prácticas e na avaliación continua, os alumnos deben acadar na proba escrita una nota mínima de 4 (sobre 10 puntos posibles).

- Na segunda convocatoria os alumnos/as que o desexen, manterán a nota das probas prácticas e da Avaliación Continua, que suporá o 50 % da cualificación final. Ademais realizarán unha proba mixta de preguntas de resposta longa e curta que deberá acadar una nota mínima de 4 (sobre 10 puntos posibles) e suporá o outro 50 % da nota final. A proba escrita versará sobre os contidos expostos durante as sesións maxistrais de carácter teórico. 

Para os alumnos/as que non participaron nas clases presencias e non realizaron probas prácticas durante o curso:

- É moi oportuno que o alumnado que non poda participar nas prácticas ou nas clases presenciais poda poñerse canto antes en contacto con o profesor da materia (por e-mail, mediante a plataforma Faitic, ou nas titorías) para recibir as indicacións mais importantes que permitan organizar o traballo da materia.

- Os alumnos deberán superar con unha nota mínima de 5 unha proba mixta de preguntas de resposta longa e curta pola que poderán acadar o 100 % da cualificación final. Os contidos a examinar incluirán a totalidade do temario oficial, tanto das clases clases presenciais e teóricas como das probas prácticas realizadas durante o curso. Isto motivará o alumnado a desenvolver as súas competencias na aprendizaxe autónoma, na toma de decisións, no traballo individual e nas relacións interpersoais.

Para o alumnado que non supere durante o curso a Proba Final, pero si as prácticas e a Avaliación continua:

- Poderán manter a nota obtida nas prácticas e na Avaliación continua para o curso seguinte, no que deberán superar a Proba Final.

Para o alumnado da convocatoria Fin de Carreira:

- O alumnado deberá superar con unha nota mínima de 5 unha proba mixta de preguntas de resposta longa ou curta, pola que poderán acadar o 100 % da cualificación final. Os contidos a examinar incluirán a totalidade do temario oficial, tanto das clases clases presenciais e teóricas como dos contidos prácticos. Isto motivará o alumnado a desenvolver as súas competencias na aprendizaxe autónoma, na toma de decisións, no traballo individual e nas relacións interpersoais.