CONVOCATORIA DE PRIMEIRO CUADRIMESTRE E XULLO: A nota final da materia resultará da suma da obtida na avaliación continua (40% da nota) e a obtida nun exame final (60% da nota). Avaliación continua (40% da nota final): - 20% pola realización e presentación dun traballo no que os estudantes revisarán algún caso de competencia. - 20% pola media de dous controis periódicos. Exame final (60% da nota final). Como regra xeral, o exame suporá o 60% da nota. Con todo, aqueles estudantes que superasen os dous controis periódicos, obtendo máis dun 5 en ambos, poderán optar por non presentarse ao exame final. Nese caso a nota media dos dous controis suporá un 80% da nota final. Para os alumnos que non superen a materia na convocatoria de xaneiro, na convocatoria de XULLO mantense a nota da avaliación continua. Por tanto, o exame supón un 60% da nota. NOTA IMPORTANTE 1: Se non se superan os dous controis periódicos, a nota final da materia será a suma da cualificación obtida por avaliación continua máis a cualificación do exame. Con todo, a puntuación do exame final só se terá en conta cando sexa igual ou superior a 3,5 puntos (sobre 10). En caso contrario, a cualificación final será igual á puntuación por avaliación continua. Así mesmo, a cualificación dos alumnos que non se presenten ao exame será a que obtivesen por avaliación continua. NOTA IMPORTANTE 2: A forma xeral de avaliación será a especificada anteriormente. Excepcionalmente, e só baixo autorización expresa dos profesores da materia antes do 1 de outubro, será posible a avaliación do 100% da materia a través dun exame final. Este exame terá parte teórica e práctica, de modo que será, en contido e detalle, diferente ao correspondente á modalidade de avaliación continua. CONVOCATORIA EXTRAORDINARIA DE FIN DE CARREIRA: Na convocatoria extraordinaria de fin de carreira, realizarase un exame escrito que valerá o 100% da nota. DATAS DE EXAME: De acordo co calendario de exames aprobado pola Xunta de Facultade, as datas previstas de exame final son as seguintes: - Convocatoria de Fin de Carreira: 13 de outubro de 2014, 9 h. - Primeiro cuadrimestre: 22 de decembro de 2014, 10 h. - Convocatoria de xullo: 29 de xuño de 2015, 10 h. |