Na materia 'Dereito Administrativo II' trátase de completar o estudo da parte xeral do Dereito administrativo a través da análise do proceso ante a orde xurisdicional contenciosa administrativa. Así mesmo, abórdase o estudo da teoría dos bens da Administración, unha introdución ao réxime do persoal ao servizo da Administración, a teoría das formas da actividade administrativa, as sancións administrativas e a garantía patrimonial do administrado, que comprende as institucións da expropiación forzosa e a responsabilidade patrimonial da Administración.
