Déixanse a discreción dos alumnos dous métodos de avaliación alternativos na materia: avaliación continua e
avaliación única.

A avaliación continua consistirá na realización dun exame final escrito  (40% da cualificación), no desenvolvemento dun proxecto práctico (30% da cualificación) e na resolución escrita de problemas e exercicios ao longo do curso (30% da cualificación). A avaliación única consistirá na realización dun exame final escrito (60% da cualificación) e no
desenvolvemento dun proxecto práctico (40% da cualificación) que se entregará antes do último día hábil
anterior ao período oficial de exames.

Os alumnos escollerán unha ou outra modalidade de avaliación no momento en que se anuncien os proxectos de desenvolvemento.

Consideraranse presentados todos aqueles alumnos que se presenten ao exame final escrito e/ou entreguen o proxecto.

Os que non superen a materia na primeira oportunidade da convocatoria dispoñen dunha segunda oportunidade no
mes de xullo na que se voltarán a avaliar os seus coñecementos cun exame escrito e/ou avaliarase novamente o seu proxecto se se mellorou
ou modificou. Os pesos de cada unha das probas (exame e proxecto) serán os mesmos que no período
ordinario de avaliación conforme á modalidade que se elixira.

A cualificación das probas só ten efecto no curso académico no que se obteñan, con independencia do itinerario
de avaliación escollido.