Déixanse a discreción dos alumnos dous métodos de avaliación alternativos na materia: avaliación continua e avaliación
única.

A avaliación continua consistirá na realización dun exame final (50% da cualificación) e no desenvolvemento dun proxecto
de enxeñaría a escala (50% da cualificación) que se presentará antes do último día hábil anterior ao período oficial de
exames. A avaliación única consistirá na realización dun exame final escrito (60% da cualificación) e no desenvolvemento
dun proxecto de enxeñaría a escala (40% da cualificación) que se presentará antes do último día hábil anterior ao período
oficial de exames. As probas escritas das modalidades de avaliación única e continua non serán necesariamente iguais.

Os alumnos optarán por unha ou outra modalidade de avaliación no momento en que se anuncie o proxecto de
desenvolvemento. Consideraranse non presentados todos aqueles que non efectúen elección explícita nese momento.

Quen non superen a materia na primeira oportunidade da convocatoria dispoñen dunha segunda oportunidade no mes de
xullo na que se reavaliarán os seus coñecementos cunha proba escrita ou se reavaliará o seu proxecto se se mellorou ou
modificou. Os pesos de cada unha das probas (exame e proxecto) serán os mesmos que no período ordinario de avaliación
conforme á modalidade que se elixiu.

A cualificación das probas só fornece efecto no curso académico en que se obteñan, con independencia do itinerario de
avaliación escollido.