A nota da materia será a suma das notas correspondentes ás distintas
tarefas da materia.

Todos os alumnos, tanto os que sigan a materia de forma continua como os
que queiran ser avaliados unicamente ao final do cuadrimestre ou nunha
avaliación extraordinaria, deberán realizar as tarefas descritas no apartado
anterior.

Os alumnos que non asistan a clase regularmente deberán realizar as mesmas
tarefas que os alumnos asistentes a clase.

A cualificación final expresarase de forma numérica entre 0 e 10, segundo a
lexislación vixente (Real Decreto 1125/2003 de 5 de Setembro; BOE 18 de
setembro).

Seguindo as directrices propias da titulación ofrecerase aos alumnos que
cursen esta materia dous sistemas de avaliación: avaliación continua e
avaliación final.

AVALIACIÓN CONTINUA:

• O feito de realizar 2 prácticas de laboratorio ou 2 memorias de
exercicios teóricos supón que o alumno opta pola avaliación continua.

• Os alumnos que opten por avaliación continua, pero non aproben a materia
mediante esta modalidade, deberán realizar a avaliación final completa na
avaliación extraordinaria de Xullo.

• Os alumnos que aproben a materia mediante avaliación continua non poderán
repetir de novo na avaliación final ningunha tarefa co obxectivo de subir a
nota.

• As distintas tarefas deben entregarse na data especificada polo profesor.
Se non é así, non serán cualificadas para a avaliación continua.

• Os alumnos realizarán os exercicios teóricos, as prácticas de laboratorio
e os traballos de laboratorio preferentemente de maneira individual. No caso de realizarse en grupos de dous alumnos a cualificación será a mesma para ambos.

• Se se segue a materia de forma continua, pódese faltar como máximo a 2
sesións presenciais. Se se faltou a máis de 2 sesións, será obrigatorio
realizar un traballo individual adicional ou un exame.

AVALIACIÓN FINAL:

• Os alumnos que opten pola avaliación final deberán realizar todas as
tarefas teóricas e prácticas e os traballos individualmente.

• A entrega das tarefas para a avaliación final debe realizarse antes da
data oficial do exame establecida polo centro.

COMÚN A TÓDOLOS ALUMNOS

En caso de superar os exercicios teóricos (ET), as prácticas de laboratorio
(PL) e o traballo autónomo (TA), é dicir, que a nota de cada parte >= 5, a
cualificación final (NF) será a suma ponderada das notas de cada parte da
materia:

NF = 0’25 * ET + 0’25 * PL + 0’40 * TA + 0’10 * PO

En caso de non superar algunha do tres probas (nota dalgunha proba < 5),
a cualificación final (NF) será: NF = mínimo [4’5; (NF = 0’25 * ET + 0’25 * PL
+ 0’40 * TA + 0’10 * PO) ]

Sendo:

ET = Nota conxunta dos exercicios e problemas teóricos.

PL = Nota conxunta das prácticas de laboratorio.

TA = Traballo Autónomo práctico.

PO = Presentación Oral.

CRITERIOS DE AVALIACIÓN.

1) Realización de prácticas de laboratorio guiadas.

Avaliarase o correcto funcionamento dos circuítos e programas realizados
nas sesións de prácticas, de acordo coa puntuación asignada nos enunciados de
prácticas. Cada tema de prácticas puntuarase sobre 10. Logo ponderarase a súa
influencia na nota total da materia en función do número de horas asignado a
cada tema.

É dicir, a nota das prácticas correspondentes aos temas 1 a 5 de laboratorio,
obtense da forma seguinte:

PL = ( Nota Tema 1L + Nota Tema 2L + Nota Tema 3L + Nota Tema 4L + Nota
Tema 5L ) / 5

A nota total das horas de prácticas guiadas (PL) corresponde a un 25% da
nota total da materia. Será necesario entregar os ficheiros que se indican nos
enunciados de prácticas.

Os criterios de valoración refírense unicamente á funcionalidade dos
circuítos e programas realizados, é dicir, os circuítos e programas deben
funcionar perfectamente en todos os seus aspectos, para obter a máxima nota, xa
sexa a simulación do “software”, a simulación funcional e temporal dos
diferentes circuítos “hardware” e do sistema completo, ou a proba na placa de
desenvolvemento.

2) Exercicios e problemas teóricos.

Avaliarase cada un dos exercicios e problemas expostos nas sesións de
teoría. Cada exercicio puntuarase sobre 10. Logo ponderarase a súa influencia
na nota total da materia en función do número de exercicios asignado.

A maioría dos exercicios consistirán no deseño dun periférico para un
sistema encaixado e a formulación do deseño dun sistema encaixado completo cos
seus periféricos.

Os criterios de valoración son os seguintes:

2.1) Repartición adecuada de tarefas entre “hardware” e “software".

2.2) Organización adecuada do “hardware” e estrutura adecuada do programa
en C.

2.3) Corrección do deseño (CORR).

Optimización da descrición en VHDL e dos programas en C. Aplicación das
técnicas de deseño síncrono. Deseño reutilizable.

2.4) Funcionalidade (FUNC).

Se o pide o exercicio, a simulación funcional e temporal dos circuítos
VHDL, así como a simulación dos programas en C deben funcionar perfectamente.

2.5) Documentación (DOC).

i. Ficheiros fonte de deseño. Comentarios suficientes nos ficheiros VHDL e ficheiros C para a súa
comprensión.

Será necesario entregar os ficheiros que se indican nos enunciados de cada
exercicio teórico.

A nota total será a suma das notas de cada un dos exercicios dividida polo
número de exercicios:

ET = (Exercicio 1 + … + Exercicio N) / N

3) Traballo práctico autónomo.

Traballos de deseño dun sistema encaixado. Os criterios de valoración son
os seguintes:

3.1) Repartición adecuada de tarefas entre “hardware” e “software".

3.2) Organización adecuada do “hardware” e estrutura adecuada do programa
en C.

3.3) Corrección do deseño. Optimización da descrición en VHDL e da
utilización de circuítos. Aplicación das técnicas de deseño síncrono. Deseño
reutilizable.

3.4) Análise da implementación con FPGAs. Analizar os recursos lóxicos da
FPGA utilizados e razoar a súa necesidade. Analizar de forma razoada os
retardos internos do sistema implementado. Verificación con “Chipscope”.

3.5) Funcionalidade. Simulación do “software”. Depuración do “software”. Simulación
funcional e temporal dos diferentes circuítos “hardware”.  Simulación do sistema encaixado completo
(“hardware” + “software”). Depuración do sistema encaixado completo (“hardware”
+ “software”). Proba na placa de desenvolvemento do sistema encaixado completo
(“hardware” + “software”). Todos os apartados deben funcionar perfectamente
para obter a máxima nota.

3.6) Documentación do deseño e a implementación con FPGAs.

3.6.1) Memoria.

i. Estrutura clara e ordenada.

ii. Explicacións claras e suficientes para a comprensión do traballo
realizado.

iii. Inclusión de figuras adecuadas.

iv. Inclusión de datos relevantes.

3.6.2) Ficheiros fonte de deseño.

i. Comentarios suficientes nos ficheiros VHDL para a súa comprensión.

ii. Comentarios suficientes nos ficheiros C para a súa comprensión.

Para o traballo práctico autónomo (TA), será necesario realizar unha
presentación oral.

3.7) Presentación do traballo práctico.

Exposición oral do traballo realizado. Os criterios de valoración son os
seguintes:

i. Estrutura clara e ordenada.

ii. Explicacións claras.

iii. Explicacións suficientes para a comprensión do traballo realizado.

iv. Inclusión de figuras adecuadas.

v. Inclusión de datos relevantes.