Para
facilitar ao alumno o traballo nas horas de prácticas non presenciais, é
conveniente que os alumnos asistan a todas as clases presenciais de grupo B.
Tamén é conveniente que realicen todos os boletíns de problemas e prácticas
propostas, para así adquirir as destrezas que logo se esixirán nas probas de avaliación.
Primeira
Oportunidade:
A)
No caso de que o alumno se acolla á Avaliación Continua (AC):
1. A
avaliación das prácticas relativas ás tecnoloxías de microondas se realizará a
través dunha ou varias probas individuais, de resolución de problemas/deseño de
circuítos pasivos e/ou activos, usando o simulador de circuítos. Unha destas
probas pode implicar realizar e entregar un informe dun deseño de
circuíto. Estas probas se corresponderán en total con até o 30% da cualificación
total da materia (CTM).
2.
A avaliación da parte da materia relativa a deseño de circuítos de RF se realizará
a través da entrega dun ou varios informes sobre a resolución de
problemas/deseño (individual ou grupal) con axuda de ferramentas CAD. Esta
avaliación poderá incluír unha entrevista sobre o traballo realizado. Estas
probas se corresponderán en total con até o 25% da CTM.
3.
O resto da materia será avaliado (de forma individual) a través de 2
Puntuables que contendrán resolución de problemas, ademais de poder conter
cuestións de resposta curta. O Puntuable 1 avaliará contidos da parte de tecnoloxías
de microondas e correspóndese con até o 20% da CTM. O Puntuable 2 avaliará
contidos da parte de fotónica e correspóndese con até o 25% da CTM.
Asúmese
que os alumnos que realizan o Puntuable 2 optan por a Avaliación
Continua.
A planificación
das diferentes probas de avaliación intermedia estará dispoñible ao principio
do cuadrimestre. Estas probas non son recuperables
B)
No caso de que o alumno acóllase a avaliación Única en Exame Final (100% CTM),
se terá en conta únicamente a nota obtida neste exame, o cal incluirá todo o
contido teórico e práctico da materia. Así, o exame pode incluír a resolución
de problemas (con ou sen axuda do simulador de circuítos), a contestación
a preguntas de resposta curta e a realización dun deseño de circuíto con axuda
do simulador.
Segunda
Oportunidade:
Se presentarán
os estudantes que non superen a materia na Primeira Oportunidade, debendo
realizar un exame das mesmas características que o descrito na opción B.
En
particular, os estudantes que na Primeira Oportunidade elixiron Avaliación
Continua, poderá optar a conservar as cualificacións obtidas nas prácticas TIC
de microondas (30%) e na resolución de problemas da parte de RF (25%), polo que
realizarán unha versión reducida do exame da opción B (45% CTM) que incluirá
todo o contido da materia, a excepción dos relativos á parte de RF e non terá o
apoio do simulador.
En
caso de detección de plaxio nalgún dos traballos realizados polo alumno,
a cualificación final da materia será de suspenso (0) e os profesores comunicarán
á dirección da escola o asunto para que tome as medidas que considere
oportunas. </p> |