|
1. Avaliación continua Seguindo as directrices propias da titulación e os acordos da comisión académica ofreceráselles ao estudantado que curse esta materia un sistema de avaliación continua. Enténdese que o alumnado que asista ás dúas primeiras actividades avaliadas (prácticas ou probas) xusto despois dun mes desde o comenzo das clases opta pola avaliación continua da materia. A materia divídese en tres partes: teoría (50 %), práctica (35 %) e traballo tutelado (15 %). As cualificacións das tarefas avaliables serán válidas só para o curso académico no que se realizan. A cualificación final dun/unha estudante que escolla esta vía non poderá ser 'non presentado'. Calquera das actividades avaliables seguindo avaliación continua non é
recuperable, salvo que sexan debidamente xustificadas según os criterios
da normativa aprobada polo Claustro da Universidade o 18 de abril de
2023. 1.a
Teoría Realizaranse 2 probas parciais de teoría (PT) debidamente programadas ao longo do curso. A primeira proba (PT1) realizarase en horario de teoría ao finalizar o tema 5. A segunda proba (PT2) realizarase o mesmo día ca o exame final que se celebrará na data que estableza a dirección da Escola. Cada proba parcial constará dun exame teórico cunha serie de preguntas de tipo test e de desenvolvemento do temario. A nota de cada exame teórico valorarase de 0 a 10 puntos. A nota final de teoría (NFT) será a media aritmética das notas das probas parciais: NFT
= (PT1 + PT2)/2 Para superar a parte de teoría será necesario obter polo menos 5 puntos de 10 en cada PT. 1.b
Práctica Realizaranse 7 sesións de prácticas de 2 horas en
grupos pequenos. A parte práctica cualificarase mediante a
avaliación continua de todas as prácticas. Cada práctica
valorarase cunha nota (NP) entre 0 e 10 puntos. A nota final das prácticas (NFP) será
a media aritmética das notas das prácticas. Para superar a parte de
prácticas será necesario obter unha nota NFP de polo
menos 5 puntos de 10, e o estudante só poderá faltar a 1 sesión (na que NP=0). Se isto non se cumpre NFP=0. 1.c
Traballo tutelado Na primeira sesión de titoría en grupo (horas de tipo C)
presentaranse todas as actividades para realizar e asignaráselle o traballo
concreto a cada grupo de estudantes. A continuación, a meirande
parte do traballo do alumnado será non presencial. Os docentes seguirán
o desenvolvemento do traballo de cada grupo e o traballo individual
de cada estudante nas restantes sesións de titoría en grupo (horas de
tipo C). O prazo de entrega da memoria
final do traballo será debidamente programado e informado polo profesorado da materia. Para superar esta parte, a nota do traballo tutelado (NTT) terá que ser de polo menos 5 puntos
de 10 e cada estudante non poderá faltar a máis de 1 sesión. Se isto non se cumpre NTT = 0. 2. Avaliación global O alumnado que non opte pola avaliación continua poderá presentarse a un exame final que constará dunha serie de actividades avaliables similares ás que se recollen na avaliación continua. Así, nas datas establecidas pola dirección da escola para realizar o exame final, os estudantes que non optasen pola avaliación continua deberán realizar unha proba teórica, unha proba de prácticas e un traballo tutelado. Para presentarse á parte práctica e para a asignación do traballo tutelado cada estudante debe apuntarse previamente seguindo o procedemento indicado polo profesorado con suficiente antelación. O exame teórico consistirá en dúas probas que constarán dunha serie de preguntas de tipo test e de desenvolvemento do temario. Cada proba (PT) valorarase de 0 a 10 puntos e a nota final de teoría (NFT) será a media aritmética das notas das probas parciais: NFT = (PT1 + PT2)/2 Para avaliar a parte práctica teranse en conta os resultados obtidos na proba de prácticas realizada. Esta proba consistirá na implementación dalgúns dos circuítos tratados nas sesións de prácticas e nunha serie de preguntas de resposta curta ou de tipo test acerca dos devanditos circuítos. Esta proba práctica valorarase de 0 a 10 puntos e dita cualificación será a nota final de prácticas (NFP). Tamén se deberá realizar un traballo tutelado e entregar unha memoria escrita del o día do exame final de teoría. 3. Nota final da materia Para aprobar a materia será imprescindible superar as tres partes: - a parte de teoría: NFT >= 5 con PT1 >= 5 e PT2 >= 5
- e a parte práctica: NFP >= 5
- e a parte de traballo tutelado: NTT >= 5
Neste caso a nota final (NF) será a suma ponderada das notas de cada parte: NF = 0,50·NFT + 0,35·NFP + 0,15·NTT No caso de non superar algunha das tres partes, a cualificación final será: NF = min( { 4,9; 0,50·NFT + 0,35·NFP + 0,15·NTT } ) Para aprobar a materia será necesario obter unha nota final NF >= 5. 4. Oportunidade extraordinaria e convocatoria fin de carreira
Estas convocatorias terán o mesmo formato ca a avaliación global: unha proba teórica, unha proba de prácticas, e un traballo tutelado. Celebrarase na data que estableza a dirección da Escola. Para presentarse á parte práctica e para a asignación do traballo tutelado o alumnado debe apuntarse previamente seguindo o procedemento indicado polo profesorado con suficiente antelación. Na oportunidade extraordinaria, as notas das partes ás que non se presente o estudante serán as obtidas na oportunidade ordinaria do curso académico actual. Ademais, neste caso só poderá presentarse ás probas que non superou na oportunidade ordinaria. O cálculo da nota final da materia realizarase tal e como se explica no apartado 3. |
