Esta materia, ten como principal obxectivo que o alumnado aprenda tanto os conceptos teóricos básicos como os circuítos electrónicos asociados coa análise e deseño de circuítos e sistemas electrónicos de potencia. Para iso estúdanse en primeiro lugar os dispositivos semicondutores e os elementos magnéticos en electrónica de potencia. A continuación analízanse os convertedores electrónicos de potencia CA-CC, CC-CC e CC-CA.
Materia do programa English Friendly. O estudantado internacional poderá solicitar ao profesorado: a) materiais e referencias bibliográficas para o seguimento da materia en inglés, b) atender as titorías en inglés, c) probas e avaliacións en inglés.
