Seguindo
as directrices propias da titulación, aos alumnos que cursen esta materia
ofreceráselles dous sistemas de avaliación: avaliación continua e avaliación
única. 1.- Avaliación continua
A
avaliación continua consiste nun exame teórico, un conxunto de prácticas de
laboratorio e a realización dun traballo teórico-práctico (proxecto). 1.1 Exame teórico ( NExam):
O
exame teórico incluirá os contidos de todos os temas teóricos da materia e
realizarase ao final do cuadrimestre. O peso deste exame será de 2 puntos sobre
10. 1.2 Prácticas de
laboratorio ( NPrac):
As
prácticas de laboratorio realizaranse en grupos preferiblemente de dous
estudantes. Para a avaliación das prácticas valorarase o traballo realizado no
laboratorio e a entrega dun informe final de prácticas. O peso desta actividade
será de 3,5 punto sobre 10. O traballo no laboratorio valorarase de forma
individual e representará o 60% da nota de prácticas. O 40 % restante
corresponderá á memoria e será a mesma para todos os integrantes do grupo de
prácticas. 1.3 Traballo
teórico-práctico ( NPro):
O
traballo teórico-práctico realizarase en horas tipo B e C. Realizarase en grupos de dous ou máis
alumnos. Como resultado do traballo entregarase unha memoria, o sistema
implementado e farase unha presentación dos resultados. O peso desta avaliación
é de 4,5 puntos sobre 10 (4 corresponden á execución e documentación do
proxecto e 0,5 puntos á presentación).
No
traballo teórico-práctico aos alumnos asignaránselles tarefas individuais e
conxuntas. As tarefas individuais terán un peso do 60% da nota do traballo e as
conxuntas o 40%. A nota correspondente ao 40% será a mesma para todos os
integrantes do grupo. 1.4 Cualificación final
(Nota_final):
A
cualificación final da avaliación continua obtense da seguinte forma:
Nota_final
= (0,2* NExam + 0,35* NPrac + 0,45* NPro) se
Nexam, NPrac e NPro son maiores ou iguais a 4 e Nota_final é
maior ou igual a 5;
Nota_final
= min[(0,2* NExam + 0,35* NPrac + 0,45*
NPro), 4] noutro caso.
O
alumnado que non supere algunha das avaliacións parciais terá a posibilidade de
repetila na segunda oportunidade. Neste caso os alumnos serán avaliados só da/das
parte/s que teñan suspensa/s (exame teórico, prácticas de laboratorio e/ou
proxecto). A nota que obteñan na segunda oportunidade substituirá á anterior.
Enténdese
que o alumno opta por avaliación continua se realiza as dúas primeiras
prácticas de laboratorio, e desde ese momento considérase presentado á
convocatoria. En ningún caso a cualificación final dun alumno que opta por
avaliación continua poderá ser de "Non presentado". 2.- Avaliación única e
convocatoria extraordinaria
Os
alumnos que opten pola avaliación única ou se presenten á convocatoria
extraordinaria deberán superar dous exames, un exame teórico de todos os temas
da materia e un exame práctico. 2.1 Exame teórico (NExam_U):
O
exame teórico poderá incluír preguntas de resposta curta, problemas, e/ou
exercicios de deseño de sistemas. 2.2 Exame práctico (NPra_U):
O
exame práctico consistirá na proba final en hardware dun sistema
que o alumno deberá deseñar e simular previamente de forma autónoma. Unha
semana antes da data que se estableza para o exame o alumno deberá entregar
unha memoria do traballo realizado e os resultados de simulación. Durante o
exame práctico o alumno validará o sistema deseñado no hardware.
Tanto
o exame teórico como o práctico terán un peso do 50% da nota final. 2.3 Cualificación final
(Nota_final_U):
A
cualificación final da avaliación única e da convocatoria extraordinaria
obtense da seguinte forma:
Nota_final_U
= (0,5* NExam_U + 0,5* NPrac_U) se Nexam_U
e NPrac_U son maiores ou iguais a 4 e
Nota_final_U é maior ou igual a 5;
Nota_final_U
= min[(0,5* NExam_U + 0,5* NPrac_U), 4]
noutro caso.
Os
alumnos que opten por avaliación única e non superen a materia terán outra
posibilidade na segunda oportunidade. Neste caso só serán avaliados da/das
parte/s que teñan suspensa (teoría e/ou práctica). 3.- Outros comentarios - O alumno poderá responder o
exame, redactar os seus informes, traballos ou presentacións en castelán,
galego ou inglés. - As notas obtidas na
avaliación continua ou na avaliación única só son válidas para o curso
académico actual. - Non se permite o uso de
libros, notas ou dispositivos electrónicos como teléfonos ou computadores en
ningún exame presencial. Os teléfonos móbiles deben apagarse e estar fora do alcance do
alumno. - En caso de detección de
plaxio nalgún dos traballos/probas realizadas a cualificación final da materia
será de suspenso (0) e os profesores comunicarán á dirección da escola o asunto
para que tome as medidas que considere oportunas. - En caso de detección de
plaxio ou abandono dalgún membro dun equipo de traballo, a súa cualificación
será "suspenso (0)" e non computará na cualificación do resto do
grupo.
|