|
Para superar o curso é preciso completar as distintas partes nas que se divide a materia (sesión maxistral, prácticas de laboratorio e traballo tutelado). A nota final será o resultado de aplicar a media xeométrica ponderada da nota de cada unha das partes (é dicir, non se pode ter un cero nalgunha das partes para poder superar a materia). Sendo "x" a nota das sesións maxistrais, "y" a das prácticas en aulas e "z" a do traballo tutelado -metodoloxías integradas, a nota final será NF = x^0.3*y^0.2*z^0.5. Durante o primeiro mes, os e as estudantes deberán indicar se cursan a materia seguindo a avaliación continua ou única. Quen siga a avaliación continua non se poderá considerar "non presentado" unha vez que se realice a entrega do primeiro cuestionario ou tarefa. O alumnado que opte pola avaliación única deberá presentar adicionalmente un dossier onde se inclúan todo os detalles sobre a realización das distintas tarefas, moi especialmente do traballo tutelado. Durante o primeiro mes do curso, o profesorado notificaralles aos/ás estudantes que opten pola avaliación única se deben realizar o traballo de forma individual ou en grupo. Segunda oportunidade e convocatorias extraordinariasAplicarase o mesmo sistema de avaliación ca no caso da avaliación única na primeira oportunidade. Os/as estudantes que seguisen a avaliación continua durante o curso poden optar por manter as notas das partes que tivesen superadas na primeira oportunidade ou descartalas. Outros comentariosA documentación estará en inglés. A materia impartirase en castelán e engalego (incluídos os exames). Non obstante, os e as estudantes poderán contestar en inglés, castelán ou galego, segundo as súas preferencias. As puntuacións obtidas só son válidas para o curso académico en vigor. Aínda que o traballo tutelado se desenvolverá (na medida do posible) en
grupos, levarase un seguimento continuo da actividade realizada por cada
alumno ou alumna dentro do grupo. No caso de que o rendemento dun
alumno ou alumna non sexa acorde co dos seus compañeiros/as de grupo,
considerarase a súa expulsión do mesmo e/ou poderá ser avaliado ou avaliada de forma
individual nesta parte. O uso de calquera material durante a realización dos exames terá que ser autorizado explicitamente polo profesorado. No caso de detección de plaxio nalgún dos traballos/probas realizadas a cualificación final da materia será de "suspenso
(0)" e os profesores e profesoras comunicaranlle á dirección da escola o asunto para que tome as medidas que considere oportunas. |
