| Prácticas de laboratorio |
Actividades de aplicación dos coñecementos a situacións concretas e de adquisición de habilidades básicas e procedimentales relacionadas coa materia obxecto de estudo.
Desenvólvense en laboratorios co equipamento adecuado.
Son dúas sesións presenciais de 2 horas cada unha: unha centrada en calibración de sensores (usando LEGO Mindstorm), e outra en termografía por infravermellos (aprendendo a manexar cámaras termográficas), a realizar en grupos medianos (B).
Con esta metodoloxía trabállanse as competencias A74, A75 e A4.
|
| Prácticas en aulas de informática |
Actividades de aplicación dos coñecementos a situacións concretas e de adquisición de habilidades básicas e procedimentales relacionadas coa materia obxecto de estudo.
Desenvólvense en laboratorios con computadores.
Son cinco sesións de dúas horas cada unha:
1. Fundamentos de RADAR, mediante un xogo de computador deseñado especificamente, "RADAR Technology".
2. Procesado e Interpretación de imaxes satelitales, cun programa de procesado de imaxes LandSat (abrangue catro sesións).
Con esta metodoloxía trabállanse as competencias A74, A75, A9 e A4.
|
| Traballos tutelados |
O estudante, en grupo, prepara un documento sobre unha aplicación da teledetección na vida diaria, incluíndo actividades de procesado de imaxes relacionadas coa aplicación.
Para iso partirase dunha procura de noticias sobre un tema que se propoña a cada grupo, de actualidade, na que a teledetección apareza como unha ferramenta básica (por exemplo, a procura de cadáveres enterrados por un asasino, o seguimento dunhas inundacións, o estudo dos contornos da placa continental baixo o océano).
Os grupos empezarán por localizar noticias reais relacionadas. A partir delas, tratarán de identificar as tecnoloxías, sensores, procesados, empregados. Terán que buscar información técnica e científica sobre estas e, finalmente, elaborar un informe e unha presentación.
A interacción cos profesores será presencial con cinco reunións dunha hora, e a través de foros durante a procura de información, e por correo electrónico para o intercambio de ideas.
Con esta metodoloxía trabállanse as competencias A4, A7 e A9. |
| Prácticas autónomas a través de TIC |
Actividades a realizar autónomamente con software facilitado a través da plataforma FaiTIC:
1."A Terra desde o aire/espazo", para aprender sobre puntos de vista.
2."RADAR Activo por microondas", para aprender sobre imaxes radar.
Con esta metodoloxía trabállanse as competencias A74 e A75 |
| Actividades introdutorias |
Actividades encamiñadas a tomar contacto e reunir información sobre o alumnado, así como a presentar a materia.
Para esta actividade se reserva unha hora presencial de grupo A, na que se presenta a materia, explícanse as prácticas de laboratorio e informáticas, e o que se espera dos traballos en grupo C.
Con esta metodoloxía trabállanse as competencias A74, A75 e A4. |
