Nesta materia hai dous modos de avaliar ao alumnado: avaliación continua ou
avaliación por exame final. 1. Avaliación continua. A avaliación da materia realízase mediante unha avaliación continua,
que consiste na execución de tarefas semanais e a realización de probas de avaliación
parciais. 1.1 Tarefas semanais: semanalmente, o profesorado da materia encargará
ao alumnado a execución de tarefas e a entrega do informe de execución. Para
poder aprobar a materia por avaliación continua é obrigatorio realizar e
entregar os informes no prazo fixado polo profesorado. Estas tarefas avaliarán as competencias A52 e A53. 1.2 Probas de avaliación parciais: realizaranse tres probas de avaliación
parciais escritas, para avaliar a parte teórica e as prácticas de laboratorio.
As probas parciais non son recuperables, é dicir, que se un
alumno non pode asistir o día en que estean programadas, os profesores non
teñen obrigación de repetilas. As cualificacións das probas parciais
serán válidas só para o curso académico en que se realicen. Enténdese que
o alumno opta por avaliación continua se se presenta a algunha das probas
parciais. Desde ese momento considérase presentado á convocatoria. A súa
cualificación será a de avaliación continua. Estas probas avaliarán as competencias A52 e A53. 1ª proba parcial: realizarase nos últimos 50 minutos da primeira
sesión de prácticas de laboratorio de 3 horas. Avaliaranse os coñecementos
do alumnado dos contidos teóricos e de laboratorio impartidos ata
a data da proba. O alumnado poderá obter nesta proba ata o 25% da
cualificación final. A data aproximada para a realización desta proba é
a semana 7. 2ª proba parcial: realizarase nos últimos 50 minutos da terceira
sesión de prácticas de laboratorio de 3 horas. Avaliaranse os coñecementos
do alumnado dos contidos teóricos e de laboratorio impartidos ata
a data da proba. O alumnado poderá obter nesta proba ata o 25% da
cualificación final. A data aproximada para a realización desta proba é
a semana 11. 3ª proba: realizarase durante 60 minutos na data e aula do exame
final. Avaliaranse os coñecementos relativos aos contidos da
materia. O alumnado poderá obter nesta proba ata o 50% da
cualificación final. A data para a realización desta proba será fixada pola
dirección do centro no calendario de exames finais. 2. Avaliación por exame final O exame final polo que se avalía ao alumnado que non participa na
avaliación continua consta de preguntas teóricas, problemas e exercicios que
avaliarán os coñecementos do alumno relativos aos contidos da
materia. O alumnado que se presente á avaliación por exame final e non
entregase os informes de tarefas parciais, ten a obrigación de entregar
un informe de execución que inclúa todas as tarefas parciais propostas
semanalmente ao longo do curso. A data para a realización desta proba
será fixada pola dirección do centro no calendario de exames finais.
O exame terá unha duración de 2 horas. Esta proba avaliará as competencias A52 e A53. 3. Exame extraordinario (xuño-xullo) O exame extraordinario consta de preguntas teóricas, problemas e
exercicios que avaliarán os coñecementos do alumno relativos aos
contidos da materia. A data para a realización desta proba será
fixada pola dirección do centro no calendario de exames
extraordinarios. Este exame é o mesmo para todos os alumnos, seguisen
ou non a avaliación continua. O alumnado que se presente ao exame
extraordinario e non entregase os informes de tarefas parciais, ten a
obrigación de entregar un informe de execución que inclúa todas as tarefas
parciais propostas semanalmente ao longo do curso. Esta proba avaliará as competencias A52 e A53. |