Cada grupo de alumnos deberá entregar un informe detallado do proxecto que levou a cabo, con indicación expresa da contribución de cada un deles ao conxunto, así como da metodoloxía que seguiron para o reparto e coordinación das tarefas. A avaliación dos traballos basearase nos seguintes aspectos:
- Análise de alternativas
- Correcta realización e comprobación do deseño
- Compactación do deseño
- Utilización das estratexias adecuadas para minimizar os efectos das imperfeccións do proceso de fabricación e para garantir unha boa coincidencia das características eléctricas dos conxuntos de compoñentes ou dispositivos que así o requiran por motivos funcionais.
- Aspectos formais: claridade e orde, inclusión de figuras e datos adecuados e relevantes, así como de explicacións pertinentes, concretas e completas.O informe deberá entregarse polo menos dous días antes da presentación pública do mesmo.
Para superar a materia, será necesario que o grupo ao que pertence o alumno obteña polo menos unha cualificación de 5 sobre 10 no informe.
Nestes proxectos avaliaranse as competencias A9, A52 e B4
15
Presentacións/exposicións
Cada alumno deberá realizar unha exposición pública individual da parte do proxecto que levou a cabo persoalmente (incluíndo as tarefas de planificación ou coordinación se procede). As presentacións dos alumnos pertencentes a cada grupo levaranse a cabo na última sesión presencial do devandito grupo, de 1 hora de duración. Cada alumno disporá de 5 minutos para a súa presentación. Ao final das presentacións, os alumnos someteranse ás preguntas do profesorado e dos outros alumnos do grupo, que deben asistir á totalidade da sesión. A avaliación basearase tanto no contido e os aspectos formais da presentación realizada como nas respostas ás preguntas suscitadas. Poderase así mesmo valorar positivamente a aqueles alumnos que realicen preguntas pertinentes. Dita valoración engadiríase á que obteñan da súa propia exposición persoal. Para superar a materia, é necesario obter polo menos unha cualificación de 5 sobre 10 na presentación pública.
Nestas presentacións avaliaranse as competencias A9 e A52
15
Probas de resposta curta
Como parte da avaliación continua, realizarase a mediados de curso unha proba individual escrita, de 1 hora, durante unha das sesións maxistrais. A súa realización marca o límite temporal para que os alumnos opten ou non por avaliación continua. Todos aqueles que a realicen entenderase que optan por avaliación continua. Os restantes deberán indicar explicitamente a súa opción, entendéndose a falta de notificación como renuncia a avaliación continua.
Na data do exame final realizarase outra proba individual escrita deste tipo, de 1 hora de duración, obrigatoria para alumnos que non opten por avaliación continua. Para alumnos en avaliación continua a proba será voluntaria, xa que os contidos corresponderán aos da primeira proba realizada. Aos alumnos que se presenten voluntariamente substituiráselles a cualificación da primeira proba pola que obteñan nesta.
Para superar a materia será necesario obter polo menos unha cualificación de 4 sobre 10 nesta parte.
Nestas probas avaliaranse as competencias A51 e A52
20
Resolución de problemas e/ou exercicios
Na data do exame final realizarase unha proba individual escrita deste tipo, de 2 horas de duración, obrigatoria para todos os alumnos, opten ou non por avaliación continua. Para superar a materia será necesario obter polo menos unha cualificación de 4 sobre 10 nesta parte.
Nesta proba avaliarase a competencia A52
30
Probas prácticas, de execución de tarefas reais e/ou simuladas.
Como parte da avaliación continua, na última sesión práctica realizarase unha proba individual, de 1 hora de duración, para a que se utilizará a ferramenta de deseño de circuítos integrados. Na data do exame final realizarase outra proba deste tipo, de 1 hora de duración, para os alumnos que non opten por avaliación continua. Os alumnos en avaliación continua poderán presentarse de forma voluntaria a esta segunda proba, nese caso substituiráselles a cualificación da primeira pola que obteñan nesta. Para superar a materia será necesario obter polo menos unha cualificación de 4 sobre 10 nesta parte.
Nestas probas avaliaranse as competencias A52 e B4
20
Outros comentarios sobre a Avaliación
Para que un alumno supere a materia, deberá alcanzar unha
cualificación global, resultado da ponderación das distintas
avaliacións parciais, de polo menos 5 puntos sobre 10, ademais de alcanzar a puntuación mínima necesaria en cada unha das devanditas avaliacións parciais. A cualificación final para aqueles alumnos que non alcancen a puntuación mínima nalgunha delas será o menor valor entre 4 e a nota ponderada sobre 10.
A avaliación dos alumnos que non opten por avaliación continua será como segue: - A proba escrita final de resposta curta suporá un 20% da cualificación final. - A proba escrita final de resolución de problemas suporá un 30% da cualificación final. - A proba final de laboratorio suporá un 20% da cualificación final. - Deberán obrigatoriamente realizar un proxecto, entregar o correspondente informe e realizar a preceptiva presentación pública (nas mesmas sesións e cos mesmos criterios que a dos alumnos que opten por avaliación continua). O informe deberá entregarse polo menos dous días antes da súa presentación pública. O informe e a presentación pública suporán, cada un deles, un 15% da cualificación final. Para superar a materia, os alumnos que non opten por avaliación continua deberán alcanzar en cada unha das probas, así como no informe e na presentación pública, as mesmas puntuacións mínimas que os alumnos en avaliación continua.
Aqueles alumnos que non superen a materia na primeira oportunidade disporán dunha segunda na data do exame extraordinario. Os requisitos para superar a materia serán os mesmos. Os alumnos que desexen presentarse deberán obrigatoriamente realizar as dúas probas escritas e a de laboratorio. Non se poderán realizar novos proxectos nin presentacións no caso de que se obtiveran neles as cualificacións mínimas esixidas. Os informes dos proxectos deberán entregarse polo menos sete días antes da data do exame extraordinario.
Universidade de Vigo
|
Reitoría |
Campus Universitario |
C.P. 36.310 Vigo (Pontevedra) |
España |
Tlf: +34 986 812 000
