Existen dúas modalidades na avaliación da materia: avaliación continua (AC) e avaliación tradicional (AT). En calquera dos dous esquemas, o alumno superará a materia se consegue polo menos 5 puntos (sobre un total de 10).

Os alumnos deberán elixir unha das dúas modalidades tendo en conta as seguintes restricións:

• A AC inclúe as 5 probas descritas anteriormente.
• Tanto en AC como en AT, os alumnos deberan realizar un proxecto de laboratorio. Para facilitar a elección de AC ou AT os alumnos disporán en Faitic do proxecto a realizar a partir do dia 20 de Septembro.
• En AT o proxecto realizarase de forma individual.
• Os alumnos que opten pola AC deberán entregar na semana do 4 ao 7 de Novembro do curso, o deseño UML do proxecto software (correspondente á 3ª proba de avaliación). Mediante dita entrega os alumnos comprométense a seguir a AC  e renuncian á AT. Desde ese momento, estes estudantes non poderán figurar como "Non presentados".
• Os alumnos que non entreguen o deseño UML na semana do 4 ao 7 de Novembro renuncian á AC, de modo que serán avaliados mediante o mecanismo de AT. Non existe a posibilidade de sumarse á AC nas seguintes probas intermedias.
• As probas de AC non serán en ningún caso recuperables, non podendo repetirse fóra das datas estipuladas polos docentes.
• Non se gardarán cualificacións (de probas de AC nin de proxectos prácticos ou exames finais) dun curso a outro.
• A AC só se aplicará na convocatoria de xaneiro, no resto de convocatorias rexe unicamente a AT.

Os alumnos que opten pola AC serán avaliados con arranxo ás probas descritas anteriormente:

• Prácticas de iniciación en Java (10%). En grupos de 2 alumnos. Correspóndese  coa proba 5 descrita na apartado "Avaliación". 
• Proxecto (40%). En grupos de 2 alumnos. Desagrégase en tres partes: deseño(10%), implementación (15%) e entrevista (15%). Estas partes correspóndense  coas probas 3, 1 e 2, respectivamente, descritas na sección de "Avaliación".
• Exame escrito (50%). Correspóndese coa proba 4 descrita anteriormente.

Os alumnos que opten pola AT serán avaliados como segue:

• Un exame escrito (cuxa descrición coincide coa proba 4 da avaliación continua). O resultado deste exame suporá un 50% da cualificación final.
• A realización dun proxecto software que constará de deseño (diagramas UML), o código e a documentación xerada explicativa da implementación. Que o código entregado poida ser compilado e executado nos equipos dos laboratorios docentes é chave para superar esta avaliación. Os docentes valorarán a partes iguais o funcionamento do código entregado e o deseño utilizado para a implementación. A avaliación desta proba suporá un 30% da cualificación final. Este proxecto deberá ser entregado individualmente na semana do 2 ao 5 de Decembro do período docente.
• A realización dunha entrevista na que o alumno deberá responder as cuestións expostas polos docentes en relación ás decisións de deseño tomadas, así como á maneira de abordar solucións para posibles modificacións do proxecto exposto. Dita entrevista terá lugar no laboratorio na semana do 9 ao 13 de Decembro do período docente e suporá un 20% da cualificación final. 

Para a convocatoria de xullo non rexe a AC, polo que todos os alumnos acolleranse á modalidade de AT que será como segue:

• Un exame escrito  (cuxa descrición coincide coa proba 4 da avaliación continua). O resultado deste exame suporá  un 50% da cualificación final. Non se permite material de apoyo.
• A realización dun exame de programación individual no laboratorio que terá lugar na data fixada pola Xunta de Escola para iso. A avaliación desta proba suporá un 50% da cualificación final.