A descrición desta guía está pensada para a modalidade presencial. A nota obtida polo alumno na parte presencial terá vixencia para as convocatorias que dá dereito a matrícula de cada curso académico, aínda que a cualificación final será a nota máis alta entre a valoración do exame final ao 100% e a suma da presencialidade (45%) e o exame final (55%). Na convocatoria de fin de carreira, o exame suporá o 100% da cualificación.

A concreción das actividades a realizar dependerá en gran medida do número de alumnos, medios para traballar en grupo, etc.
As datas e horarios das probas de avaliación das diferentes convocatorias son as especificadas no calendario de probas de avaliación aprobado pola Xunta de Centro para o curso 2019-2020. No caso de conflito ou disparidad entre as datas dos exames prevalecerán as sinaladas na páxina web da facultade.
Condutas inadecuadas ou pouco respectuosas para a convivencia na aula afectarán á valoración final.