O alumno poderá elixir o sistema de avaliación que desexa que se lle aplique na materia (observación: a elección dun sistema de avaliación significa a renuncia ao outro sistema de avaliación). Para o que debe optar, nos primeiros 15 días do cuatrimestre, entre avaliación continua ou exame final (100% da nota). Para tal fin, habilitarase un contrato que deberá ser asinado obrigatoriamente por todo o alumnado. Se algún alumno non asina este contrato enténdese que opta polo examen final e renuncia á avaliación continua.
A CUALIFICACIÓN DA AVALIACIÓN CONTINUA será o resultado da suma de: controis tutoriais (60%),observación sistemática (10%) , outras evidencias (30%). O docente poderá establecer unha nota mínima nos controis tutoriais como condición necesaria para obter o 100% da cualificación. No caso de non alcanzar dita nota mínima, a cualificación por avaliación continua será, tan só, o resultado de multiplicar por 0,6 a nota media obtida en devanditos controis tutoriais.
AVALIACIÓN XULLO e CONVOCATORIA FIN DE CARREIRA: exame teórico-práctico no que se avaliarán as competencias globais da materia e co que se pode alcanzar o 100% da cualificación.
As datas dos exames serán as aprobadas pola Xunta de Facultade e publicadas na páxina web da Facultade. |