Guia docente 2023_24 Facultade de Ciencias Económicas e Empresariais

PCEO Grao en Administración e Dirección de Empresas/Grao en Dereito

Avaliación

	Descrición	Cualificación	Resultados de Formación e Aprendizaxe
Prácticas de laboratorio	Poderá valorarse a participación do alumnado, a súa capacidade de crítica, a súa capacidade expositiva na resolución de cuestions, actividades e/ou exercicios plantexados nas prácticas con esta finalidade.	0-40
Prácticas con apoio das TIC	Valorase se o alumnado realizou as tarefas propostas (test de autoavaliación, lectura de textos, visualización de videos, búsqueda de noticias relacionadas coa materia...)	0-15
Foros de discusión	Poderá valorarse a participación do alumnado, a sua capacidade crítica e de argumentación nos temas propostos polo profesorado	0-5
Resolución de problemas e/ou exercicios	Probas para avaliar as competencias adquiridas que incluen preguntas de corrección obxectiva sobre aspectos concretos da materia. Será necesario sacar unha nota mínima do 45% do valor destas probas para considerar o resto das partes avaliables.	50

Outros comentarios sobre a Avaliación
O alumnado poderá elixir ser avaliado mediante o sistema de avaliación continua (AC), ou alternativamente optar por unha proba de Avaliación Global (AG). A avaliación por defecto é a AC. O alumnado poderá elixir AG segundo o procedemento e o prazo establecido polo profesorado. A elección de AG supón a renuncia ao dereito de seguir avaliándose mediante as actividades de AC que resten e á cualificación obtida ata ese momento en calquera das probas que xa tiveron lugar. *1. AVALIACIÓN CONTINUA (AC):** A nota (N) obtida por este tipo de avaliación está composta pola alcanzada nas posibles Actividades (A) propostas ao longo do cuadrimestre polo profesorado así como en dous Parciais* (P) que consisten en dúas probas escritas nas que se requirirá un mínimo para que poidan ser consideradas as actividades anteriores. En concreto, as actividades A poden ser de tres tipos: A1, A2 e A3, e a relación entre as tres notas (A, P e N), as súas puntuacións e a súa descrición é a seguinte: A (50%): A cualificación das actividades (A) obterase a través de tres posibles tipos de actividades expostas como complementarias, e que poden consistir en: A1_Prácticas de laboratorio (entre 0-40%) A2_Prácticas/tarefas con apoio das TIC (entre 0-15%) A3_Foros (entre 0-5%) A consideración conxunta das tres posibles actividades conformará o valor A=(A1+A2+ A3) e terá un valor máximo de 5 puntos. Para iso, si a suma (A1+A2+A3) é igual ou superior a 5, asignarase o valor de A=5 e, si a suma é inferior a 5, asignarase o valor da suma A= A1+A2+A3. En consecuencia, o máximo posible alcanzable coa realización das actividades propostas (A1+A2+A3=6) implicarían un máximo avaliable de A=5. P (50%): A cualificación obtida nos parciais (P) realizados ao longo do cuadrimestre obtida como P=P1 (25%) +P2(25%), sendo P1 a nota da primeira proba deste tipo e P2 a nota da segunda. A proba P2 realizarase o día da proba de avaliación global da materia. Na convocatoria ordinaria, a data na que se realice a proba P1 é a data límite para renunciar á avaliación continua. O alumnado que se presente ao parcial P1 está a asumir que vai ser avaliado a través de Avaliación Continua renunciando, en consecuencia, á avaliación global. Na convocatoria extraordinaria, o alumnado poderá solicitar o sistema de avaliación non continua na data do exame. N (100%): A cualificación da Avaliación Continua (N) calcúlase como N (100%) = P (50%) + A (50%). A nota obtida no primeiro parcial (P1) requirirá un mínimo (4,5 sobre 10 puntos) para liberar materia e a media dos parciais tamén debe ser dun mínimo de 4,5 sobre 10 puntos para poder sumar a nota obtida nas actividades (A). En caso de non liberar materia, coa primeira proba (P1 menos de 4,5 sobre 10 puntos) será necesario a avaliación de toda a materia (P1 e P2) o día da proba de avaliación global para obter a nota P asignada ás probas. Na medida en que a nota P supere os 4,5 puntos sobre 10 poderase engadir a nota obtida nas actividades (A) para o cálculo da nota final (N= P+A). *2. AVALIACIÓN GLOBAL (EG):** A nota obtida na proba de avaliación global será o 100% da cualificación. Na convocatoria de FIN DE CARREIRA a proba de avaliación global suporá o 100% da cualificación. Os estudantes que non participen na AC nin na AG, figurarán nas actas como non presentados. Recoméndase ao alumnado ter en conta o Título VII (Do uso de medios ilícitos), do Regulamento sobre a Avaliación, a calificación e a calidade da docencia e do proceso de aprendizaxe do estudantado (https://secretaria.uvigo.gal/uv/web/normativa/public/normativa/documento/downloadbyhash/4904ced4d24eb81fe5715ddde2c48c59c0a7c4d624cd0e7491df7a753985ccfa ) As datas e horas das probas de AG (de primeira e segunda oportunidade) son as especificadas no calendario de probas de avaliación aprobado pola Xunta de Facultade para o curso 2023/24. En caso de conflito ou disparidade entre as datas de exames, prevalecerán as publicadas na web da facultade, http://fccee.uvigo.es/organizacion-docente.html. * En caso de superar a asignatura, valorarase con 0.25 puntos a realización do curso virtual organizado pola Biblioteca central: Coñece a Biblioteca e aprende a buscar, avaliar e utilizar a información, dirixido ao alumnado de 1º grao e que ten como obxectivo que o estudante adquira os coñecementos básicos para buscar, analizar, seleccionar e organizar a información de maneira eficiente, así como utilizar e comunicar a información eficazmente de forma ética e legal.