O alumnado poderá elixir ser avaliado mediante o sistema de avaliación continua (EC), ou alternativamente optar por unha proba de Avaliación Global (EG). A avaliación por defecto é a EC. O alumnado poderá elixir EG segundo o procedemento e o prazo establecido polo centro. A elección de EG supón a renuncia ao dereito de seguir avaliándose mediante as actividades de EC que resten e á cualificación obtida ata ese momento en calquera das probas que xa se realizaron.

 

EC. En caso de non renunciar á avaliación continua:

A avaliación constará de tres probas que se realizarán ao longo do curso cunha ponderación de 20%, 40% e 40% respectivamente.  A última destas probas terá lugar o mesmo día que a data oficial de EG de primeira oportunidade. Considerarase que un alumno/para optou pola avaliación continua cando participa na segunda proba. As probas intermedias non liberan materia, de maneira que cada unha delas versará sobre os contidos vistos ata o momento de realización da proba, tanto en clases de teoría como de prácticas. Para poder superar a materia por avaliación continua ademais de obter como mínimo un 5 de media ponderada das tres probas, o alumnado deberá asistir e desenvolver o 75% das prácticas da materia. 

O alumnado de avaliación continua pode elixir (comunicándoo por escrito polo menos unha semana antes da proba) se na convocatoria extraordinaria desexa seguir sendo avaliado polo procedemento de avaliación continua (mantendo o 40% da nota final obtida na convocatoria ordinaria e o 60% na convocatoria extraordinaria cunha proba de resolución de exercicios); ou se desexa ser reevaluado completamente sobre dez (avaliación global). Por defecto, ao alumnado gárdanselle os resultados das probas de avaliación continua realizadas durante o curso.

EG en convocatoria ordinaria: O alumnado será avaliado mediante unha única proba que contará cunha parte de preguntas obxectivas e outra de resolución de problemas e exercicios. 

EG na oportunidade extraordinaria (convocatoria extraordinaria de xullo) e na convocatoria de Fin de Carrera, o alumnado será avaliado mediante unha única proba que contará cunha parte de preguntas obxectivas e outra de resolución de problemas e exercicios. 

 Os estudantes que non participen na EC nin na EG, figurarán nas actas como non presentados. 

 Recoméndase ao alumnado ter en conta o Título VII (Do uso de medios ilícitos), do Regulamento sobre a Avaliación, a cualificación e a calidade da docencia e do proceso de aprendizaxe do estudantado (https://secretaria.uvigo.gal/uv/web/normativa/public/normativa/documento/downloadbyhash/4904ced4d24eb81fe5715ddde2c48c59c0a7c4d624cd0e7491df7a753985ccfa ) 

 As datas e horas das probas de EG (de primeira e segunda oportunidade) son as especificadas no calendario de probas de avaliación aprobado pola Xunta de Facultade para o curso 2023/24. En caso de conflito ou disparidade entre as datas de exames, prevalecerán as publicadas na web da facultade, http://fccee.uvigo.es/organizacion-docente.html.