A nota final da materia constará de dous bloques. Por unha banda, o exame final valerá un 80% da nota (8 puntos) e doutra banda, a avaliación continua que pesará até un 20% na nota final (2 puntos). Exame final (até 8 puntos): Haberá un exame final que se realizará na data oficial establecida no calendario de exames. Avaliación continua (até 2 puntos): pode supor a entrega de exercicios e/ou a nota dos controis ou probas que periodicamente se poidan realizar. A nota do exame realizado na convocatoria oficial prevalecerá como cualificación final si esta fose superior á que se obtería mediante o sistema de avaliación continua. Nas convocatorias extraordinarias do curso  manteranse os mesmos criterios de avaliación, polo que se gardará a nota de avaliación continua obtida durante o curso académico. Na convocatoria de fin de carreira o exame suporá o 100% da avaliación. As datas oficiais dos exames serán as especificadas no calendario
de probas de avaliación aprobado pola Xunta de Facultade para o curso e publicadas na páxina web do centro.