Para aprobar a materia o alumno
deberá superar cada unha das partes de forma independente, e para iso deberá
obter unha puntuación de polo menos a metade do valor de cada unha delas. Se o
alumno non supera algunha das partes, a nota final divídese entre 2. Para as
convocatorias de xullo conservarase o aprobado en cada unha das partes
consideradas no sistema de avaliación (teoría e traballo). Unha vez rematado o
curso, no caso de fallar nas dúas convocatorias dispoñibles, a matrícula no
novo curso obriga a repetir todo. 

Considerarase a cualificación de Non presentado cando o
alumnado non se presente ao exame teórico e/ou non participe nalgunha das fases
do traballo (entrega de informes e/ou exposición oral dos mesmos).

Asistencia a prácticas de laboratorio e saídas de campo:

No caso de faltas inxustificadas a estas sesións, non haberá
dereito á recuperación destas metodoloxías na segunda oportunidade (convocatoria
de xullo).

Datas de exames:

As datas oficiais dos exames actualizadas e aprobadas pola Xunta de Facultade poden consultarse en  http://bioloxia.uvigo.es/gl/docencia/exames/

Considérase inadmisible calquera forma de fraude (i.e. copia e/ou plaxio) encamiñado a falsear o nivel de coñecemento ou destreza alcanzado por un/a alumno/a en calquera tipo de proba, informe ou traballo deseñado con este propósito. Esta conduta fraudulenta será sancionada coa firmeza e rigor que establece a normativa vixente e poderá supor suspender a asignatura durante un curso completo. Levarase un rexistro interno destas actuacións para que, no caso de reincidencia, se solicite no rectorado a apertura dun expediente disciplinario.