A CUALIFICACIÓN FINAL na 2ª OPORTUNIDADE rexerase
polas seguintes normas: 2.1. Os
estudantes que suspendan a materia na 1ª oportunidade por non acadaren os 4
puntos na proba escrita final deberán facer un novo exame escrito do mesmo tipo
que o da 1ª oportunidade na data, hora e lugar establecidos nos horarios
oficiais de exames do centro para a 2ª oportunidade. 2.2. Aos estudantes que non superen a
materia na 1ª oportunidade incluiráselles a asistencia e participación no
reparto porcentual correspondente á proba escrita, de modo que esta terá un
valor do 40% na 2ª oportunidade. 2.3. Os estudantes que suspendan a
materia na 1ª oportunidade e non superen ou non entreguen algunha(s) actividade(s)
deberán realizar as actividades substitutivas que se lles encomenden para a 2ª
oportunidade. O profesor fará públicas a(s) actividade(s) que debe realizar
cada estudante e as instrucións pertinentes; o prazo de entrega rematará coa
celebración da proba escrita da 2ª oportunidade e o seu valor seguirá sendo o
30% da cualificación final. 2.4. Os estudantes que suspendan a materia na 1ª oportunidade
e non acaden o nivel de aprobado no traballo tutelado (5 puntos sobre 10)
deberán reelaboralo a partir das recomendaciones que lles faga o profesor; o
prazo de entrega rematará coa celebración da proba escrita da 2ª oportunidade e
o seu valor seguirá sendo o 30% da cualificación final. 3. CUALIFICACIÓN DE NON PRESENTADO. Recibirán cualificación de Non Presentado (N.P.) só aqueles estudantes que
(a) non se presenten á proba escrita e que, ademais, (b) entreguen menos de
tres actividades avaliables. |