A
avaliación será continua e de carácter formativo tendo en conta todas as fases
do proceso das prácticas. O sistema de avaliación atenderá aos seguintes
parámetros: 1) A
avaliación do titor/a profesional sobre o desenvolvemento das prácticas e a
valoración do grao de cumprimento de cada unha das actividades realizadas.
Esta avaliación levarase a cabo no formulario proporcionado a tal efecto,
sobre a base dunha escala cos seguintes valores: (a) Moi satisfactorio; (b)
Satisfactorio; (c) Non Satisfactorio. (2) A
avaliación da memoria de prácticas preparada polo alumno/a ao remate do seu
período de prácticas. Esta memoria debe cumprir os seguintes requisitos: ·
deberá ter unha lonxitude de entre 1,000 e 3,000 palabras, en formato libre; ·
poderá redactarse en inglés, castelán ou galego; ·
deberá mostrar capacidade de expresión e de síntese e dar conta das actividades
e tarefas realizadas durante as prácticas externas, da experiencia adquirida,
dos aspectos proveitosos das prácticas, das cuestións menos satisfactorias e
que poderían mellorarse, etc. ·deberase
entregar unha copia en papel ao titor/a académico/a na data que se determine,
e que estará condicionada polo calendario oficial de entrega de actas. (3) A avaliación por parte
do titor/a académico/a, baseándose no informe do titor/a
profesional e na memoria do alumno/a. A avaliación do titor/a
profesional representará hasta o 60% da cualificación final; a memoria, hasta o
40%. (4) Tendo en conta os diversos parámetros
mencionados, o/a titor/a académico/a fará unha proposta de cualificación final
e faraa chegar ao/á Coordinador/a, a efectos da súa ratificación, se procede, e
incorporación á acta da materia. |