Educational guide 2015_16 Facultade de Filoloxía e Tradución

Máster Universitario en Estudos Ingleses Avanzados e as súas Aplicacións

Discurso Literario e Sociedade nos Países de Fala Inglesa

Avaliación

	Descrición	Cualificación	Resultados de Formación e Aprendizaxe
Seminarios	Participación activa nas clases de comentario de textos. Para a avaliación deste aspecto consideraranse tanto as competencias relacionadas cos contidos teóricos coma as relacionadas coa construción de argumentos sólidos e a súa correcta expresión oral. Terase en conta tamén a pertinencia dos comentarios en relación aos contidos da materia.	30	A3 A4	B6	C14 C16 C19 C21 C22 C23	D1 D2 D8 D9 D10 D12 D13 D15 D17 D20
Outras	Presentación oral sobre un texto de lectura obrigatoria, previamente acordado coa profesora. Avaliaranse tanto as competencias referidas ao coñecemento do texto analizado coma as relacionadas coa construción de argumentos e a súa expresión oral correcta. Deberá utilizarse como apoio software de diapositivas para presentacións, e avaliarase a correcta expresión escrita nestes textos, que se lle deberán entregar á profesora na mesma data da presentación a través da plataforma de teledocencia Tema.	25	A3 A4 A5	B4 B6 B8	C16 C17 C22 C23	D1 D5 D7 D8 D15 D17 D20
Traballos e proxectos	Traballo escrito que deberá recoller o traballo elaborado previamente para a presentación, ademais dos comentarios xurdidos durante o debate posterior. O ensaio terá unha extensión máxima de 3.000 palabras e deberá seguir escrupulosamente as normas académicas de elaboración de traballos científicos.	25	A3 A5	B6 B8	C14 C17 C18 C19 C20 C22 C23	D4 D7 D9 D12 D13 D17 D18
Outras	Traballo virtual realizado polo alumnado. Inclúe actividades como a busca de recursos teórico-críticos para a elaboración dos traballos avaliábeis, a titorización do proceso de elaboración dos traballos e a participación no foro de debate na plataforma virtual.	20	A5	B8	C19 C20 C23	D4 D5 D7 D8

Outros comentarios sobre a Avaliación
PRIMEIRA EDICIÓN DE ACTAS Na primeira edición de actas a avaliación será continua e realizarase consonte o especificado máis arriba. É obrigatoria a asistencia a todas as sesións presenciais. No caso de faltar a algunha sesión presencial, a/o estudante deberá entregar un traballo escrito sobre os contidos da sesión. É obrigatorio realizar e, no seu caso, entregar no prazo estabelecido todos os traballos avaliábeis. Os traballos non entregados ou entregados fóra de prazo contarán coma un cero. Do mesmo xeito, os traballos que non cumpran os requisitos mínimos de corrección lingüística e conteñan erros gramaticais graves contarán coma un cero. SEGUNDA EDICIÓN DE ACTAS Na segunda edición de actas, a/o estudante que non superase a materia na primeira edición deberá realizar as probas concretas non aprobadas. Se a proba non superada fose a participación nas clases de comentario dos textos e/ou o traballo virtual, a/o estudante deberá entregar un traballo escrito equivalente a cada proba, previa consulta coa profesora. A data de entrega destas probas será o 1 de xullo de 2016.