A participación, os debates en liña e os problemas e exercicios de clase serán avaliados durante o curso pola/o responsable de cada unidade temática.  A suma dos distintos resultados parciais determinará a cualificación final de cada un destes apartados.

Cada traballo de curso será entregado ao profesor/a encargado/a da súa supervisión na data que se estableza durante as clases presenciais. Estes traballos serán defendidos e discutidos no seminario por medio dunha presentación oral na derradeira semana das clases. No caso de que xurdan problemas de tipo metodolóxico, expositivo ou formal que impidan aceptar o traballo na primeira presentación, darase ao alumnado unha marxe de tempo para a corrección dos defectos apuntados e haberá unha segunda defensa antes da primeira edición final  das actas en xuño.

No caso de que algunha das partes suxeitas a avaliación quede incompleta ou suspensa na primeira edición das actas en xuño, o alumnado terá que recuperala ou completala antes da segunda edición das actas en xullo. Gardarase a cualificación das partes xa superadas.