| Actividades introdutorias |
Haberá unha sesión introdutoria ao conxunto da materia, de dúas horas de duración, con
delimitación dos seus contidos, métodos, probas a realizar, textos que deben ler os alumnos, etc. |
| Sesión maxistral |
A docencia centrarase na exposición e análise exhaustiva arredor de trece núcleos conceptuais, dos que se irán derivando exercicios e engádegas de interese docente.
Cada un destes núcleos conceptuais xerará unha serie de exercicios escritos que o alumnado deberá realizar pola súa conta, fóra e dentro de clase.
|
| Traballos tutelados |
Tratándose dunha materia que usa a escrita como método para a reflexión sobre a linguaxe e a ficción literaria, os traballos diarios e a súa exposición en clase serán un dos principais adobíos da materia. Ademais, o alumnado deberá presentar, como requisito sine qua non para ser avaliado, un texto excrito e comentado de colleita propia, seguindo as indicacións que se darán en clase. |
