Contémplanse dúas posibilidades de avaliación: continua e única. Cada discente ten que comunicar a súa preferencia na segunda semana de clase.

Avaliación continua

É a recomendada para todo o alumnado. Contempla as actividades que se describen na táboa anterior. Para a avaliación continua é moi recomendable a asistencia as horas presenciais (incluidas as prácticas). No caso do alumnado semipresencial debe asistir á sesión de presentación, a dúas titorías (individuais ou grupais) e ás probas escritas previstas. No resto, debe realizar e entregar as tarefas de avaliación indicadas en tempo e forma.

A materia de exame (probas de resposta curta que se realizará en data a concretar co alumnado) inclúe a lista de conceptos que se han traballar nas sesións maxistrais, para o que se recomenda a elaboración dun breve glosario. 

Aquelas persoas que na primeira convocatoria non superen a materia polo sistema da avaliación continua, na convocatoria de xullo deberán presentarse ó exame escrito na data oficialmente establecida pola Facultade.

Avaliación única

O alumnado que prefira someterse a avaliación única deberá examinarse de todos os contidos da materia nun exame final único que se realizará en data que se concretará durante as primeiras semanas de clase. En caso de non superar ese exame terá unha segunda oportunidade da convocatoria de xullo na data establecida oficialmente pola Facultade.