Guia docente 2012_13 Facultade de Filoloxía e Tradución

Tradución especializada idioma 2: Administrativa-económica: Francés-Galego

Avaliación

	Descrición	Cualificación
Sesión maxistral	A avaliación das sesións maxistrais permitirá coñecer a competencia acadada polo alumnado no referente aos conceptos teóricos da materia. Poderase avaliar o alumnado, ben mediante un exame, ben mediante a encomenda de resumos ou crítica de artigos.	10
Resolución de problemas e/ou exercicios	Neste apartado avaliaranse todo tipo de exercicios relacionados coa competencia lingüística e tradutora. Poderán ser exercicios que traten dificultades de tradución, análises de tradución... Terase en conta a calidade lingüística dos textos producidos polo alumnado.	30
Presentacións/exposicións	O alumnado deberá presentar oralmente, e de xeito individual, o traballo encomendado a comezos de curso.	15
Probas prácticas, de execución de tarefas reais e/ou simuladas.	Neste apartado, entregaránselle ao alumnado textos para seren traducidos que tenten simular situacións reais de traballo. A última encomenda entregarase o penúltimo día de aulas e contará o 20 % da nota do apartado.	35
Probas de resposta curta	O alumnado deberá ler algunha obra relacionada cos textos administrativos e a economía(cf. Bibliografía) que será avaliado mediante unha proba oral en francés.	10

Outros comentarios sobre a Avaliación
O alumnado deberá informar ao docente nas dúas primeiras semanas de clase a súa elección de acollerse á avaliación continua ou non. En todo caso, para poder acollerse a ela, debe asistir polo menos ao 80% das horas presenciais. Aqueles que se acollan á avaliación continua e obteñan unha cualificación de suspenso deberán presentarse á convocatoria extraordinaria de xullo e/ou decembro nas condicións que se especifican a continuación: 1. Proba oral en francés para amosar os seus coñecementos da linguaxe económica e administrativa sobre teoría, lecturas e artigos do curso: 20% da nota 2. Tradución directa con tempo limitado dun texto de aproximadamente 600 palabras (1:30h) : 40% da nota. 3. Unha encomenda de tradución que recibirá o alumnado o penúltimo día de aulas e que deberá entregar segundo as condicións especificadas nas encomendas nun máximo de 7 días naturais: 40% da nota. A encomenda estará na plataforma FAITIC en DOCUMENTOS E LIGAZÓNS e as normas de presentación no apartado de EXERCICIOS. O alumnado non asistente poderá presentarse o penúltimo día de aulas do cuadrimestre ou en xullo ás probas seguintes e coas mesmas condicións anteriormente descritas: 1. Proba oral en francés para amosar os seus coñecementos da linguaxe económica e administrativa sobre teoría, lecturas e artigos do curso: 20% da nota 2. Tradución directa con tempo limitado dun texto de aproximadamente 600 palabras (1:30h) : 40% da nota 3. Unha encomenda de tradución que recibirá o alumnado o penúltimo día de aulas e que deberá entregar segundo as condicións especificadas nas encomendas nun máximo de 7 días naturais: 40% da nota NOTAS: 1º O alumnado deberá entregar todos os exercicios en papel e por vía telemática nas datas estipuladas e identificados da seguinte forma: APELIDONOME_TXT. Non se recollerá fóra de prazo ningunha proba. 2º O plaxio será motivo de suspenso. 3º Será preciso aprobar cada unha das probas para poder facer a media.