As metodoloxías descritas no cadro e as porcentaxes
asignadas a cada unha delas aplícanse ao sistema de avaliación continua. Só
se realizará avaliación continua para a convocatoria de maio, e acollerse á
avaliación continua implicará consumir a convocatoria de maio. A
entrega dunha soa actividade avaliable suporá a aceptación implícita da
avaliación continua. 

ESIXENCIAS DA AVALIACIÓN CONTINUA:

-
Entregar dentro do prazo establecido o 100% das tarefas encomendadas ao
longo do curso, incluídas aquelas que non teñen peso na cualificación
final. Todas as tarefas deberán estar completas para que conten como entregadas.

Para o desenvolvemento da proba práctica permítese o uso de apuntamentos e de medios telemáticos. Para as probas de resposta curta non se permitirá o uso de ningún destes recursos.

A PROBA PRÁCTICA CELEBRARASE NA
ÚLTIMA SESIÓN DO CURSO (29 DE ABRIL DE 2015) EN HORARIO DE
CLASE.

ESIXENCIAS DA AVALIACIÓN ÚNICA:

A avaliación dos estudantes que non se acollesen ao sistema de avaliación
continua consistirá na realización dunha tradución do inglés ao español
dun texto dunhas 300-350 palabras, que suporá un 70% da cualificación da materia e a resposta a unhas preguntas
breves sobre a materia, que suporán o 30% da
nota. O exame de maio realizarase na última sesión do
curso (29 de abril de 2015) en horario de clase. Calquera cambio notificarase a través da plataforma FAITIC.

SEGUNDA CONVOCATORIA (XULLO)

PARA
SUPERAR A MATERIA NA SEGUNDA CONVOCATORIA, OS ESTUDANTES DEBERÁN
APROBAR UN EXAME, QUE SE CELEBRARÁ NA DATA OFICIAL PREVISTA POLO
DECANATO DO CENTRO (03/07/2015 ás 16.00 na aula C1) E QUE CONSTARÁ DAS SEGUINTES PROBAS (indícase o peso
de cada proba dentro do exame entre parénteses):

1. Proba de contidos sobre a materia, que incluirá preguntas breves (30%).

2. Proba práctica de tradución dun texto breve (de arredor de 300-350 palabras) do inglés cara ao español (70%).

Para o desenvolvemento da proba práctica permítese o uso de apuntamentos
e de medios telemáticos. Para as probas de resposta curta non se
permitirá o uso de ningún destes recursos.

EXCEPCIONALMENTE,
PODERÁ ACORDARSE COS ESTUDANTES QUE NON SUPERASEN UNHA PARTE CONCRETA
DA MATERIA NO SISTEMA DE AVALIACIÓN CONTINUA O MECANISMO OPORTUNO PARA RECUPERAR ESA PARTE NA SEGUNDA
CONVOCATORIA.

PARA SUPERAR A MATERIA OS ESTUDANTES DEBERÁN OBTER POLO MENOS A CUALIFICACIÓN DE APROBADO NAS DÚAS PARTES DA PROBA.

En
calquera das probas, traballos ou exercicios, independentemente da
convocatoria e do sistema de avaliación elixido, obterán a cualificación
de suspenso aqueles alumnos que:

- Cometan máis de dúas faltas de ortografía ou erros gramaticais. 

- Incurran en plaxio total ou parcialmente.