Cada alumno poderá acollerse a
dúas convocatorias por curso a elixir entre maio, xullo e extraordinarias. Só
se realizará avaliación continua para a convocatoria de maio, e acollerse a
avaliación continua implicará consumir a convocatoria oficial de maio. A
entrega dunha soa encomenda avaliable suporá a aceptación implícita da
avaliación continua, e a falta de asistencia non xustificada a máis do 20% das
horas presenciais (é dicir, a máis de 10 horas presenciais) suporá un suspenso
automático. Copiar doutro alumno ou dunha terceira persoa nunha encarga ou nun
exame suporá un suspenso automático, e ademais posible apertura de expediente
contra o alumno. O plaxio suporá un suspenso automático, e ademais posibles
medidas legais contra o alumno. Cómpre destacar que factores como a asistencia
ás sesións teóricas, as lecturas ou a realización dos casos prácticos non teñen
valor directo na avaliación, pero que a súa realización facilitará indirectamente
o éxito nas probas avaliables.

Os exames oficiais sen avaliación
continua consistirán en tres preguntas teóricas breves que suporán o 30 % da
nota e un exercicio de tradución directa que suporá o 70 % da nota. Os alumnos
que se acolleron a avaliación continua non poderán presentarse ao exame oficial
de maio. O exame oficial de maio realizarase o mesmo día proba de resposta
curta da avaliación continua, coincidindo co transcurso da penúltima sesión do
curso; o horario destas probas confirmarase a través de Faitic.