No inicio do curso, cada estudante poderá escoller entre acollerse a 1) un sistema de avaliación progresivo e acumulativo, a partir da resolución das ecomendas prácticas e da elaboración do dossier-memoria, que requerirá un 80% de asistencia ás aulas; 2) un sistema de avaliación única (embora non se recomende, dadas as características desta disciplina e as directrices xerais que harmonizan os procesos de avaliación no Espazo Europeo de Educación Superior) con exame único. A proba final decorrerá, en calquera caso, na penúltima semana lectiva que determine o calendario institucional. Constará de 2 partes: na primeira, escrita, será avaliado o coñecimento dos contidos propios da materia a partir dunha batería de preguntas curtas; na segunda, en sala de computadores, será avaliada a pericia no uso das tecnoloxías presentadas na materia. O exame da convocatoria extraordinaria de xullo terá as mesmas características que o exame único. A entrega das tres encomendas práticas terá lugar na última sexta-feira lectiva de cada mes de docencia. A última entrega coincidirá coa do cartafol con resultados da aprendizaxe.