PRIMEIRA EDICIÓN DE ACTAS:
Esta materia é presencial e a súa avaliación continua (as probas e
porcentaxes da avaliación continua son os arriba indicados). No entanto, se
algún alumno, por motivos xustificados, non pode seguir este sistema de
avaliación, deberá presentar nas dúas semanas seguintes ao día en que se matricule
un xustificante especificando este particular. Nese caso, para ser avaliado na
primeira edición de actas deberá ir á avaliación única na data consensuada co alumnado de avaliación continua e anunciada en Faitic (normalmente a última ou penúltima semana de docencia). A proba consistirá en: un
exame teórico (30%) e a entrega dun traballo de subtitulado (35%) e outro de
dobraxe (35%). Para superar a materia é necesario aprobar as tres partes.
SEGUNDA EDICIÓN DE ACTAS (XULLO): O alumno que siga o sistema de avaliación continua e non alcance a nota
mínima presentarase en xullo ás partes non superadas na data indicada no
calendario de exames. As partes aprobadas gardaranse unicamente ata a
convocatoria de xullo. Os alumnos que sigan a avaliación única e non superen a materia na primeira
edición de actas presentaranse á proba fixada no calendario de exames, que
consistirá en: un exame teórico (30%) e a entrega dun traballo de
subtitulado (35%) e outro de dobraxe (35%). Para superar a materia é necesario
aprobar as tres partes. Todas as probas se realizarán na lingua termo da combinación da materia. Con respecto á avaliación de traballos e proxectos, se se detecta que estes
(ou algunha das súas partes) son plaxios, a cualificación dos mesmos será 0. É responsabilidade do alumno consultar os materiais e novidades a través da
plataforma de teledocencia FAITIC e de estar ao tanto das datas nas que as
probas de avaliación teñen lugar. **Esta materia NON se recomenda para ALUMNADO ERASMUS. |