Guia docente 2012_13 Facultade de Filoloxía e Tradución

Tradución medios audiovisuais idioma 1: Inglés-Galego

Avaliación

	Descrición	Cualificación
Proxectos	Dous encargos de tradución individuais que incluirán, ademais da tradución de inglés a galego dun fragmento dun texto audiovisual, un comentario crítico sobre as estratexias empregadas para a resolución de problemas específicos. O comentario redactarase en lingua galega.	50
Resolución de problemas e/ou exercicios	Asistencia ás sesións presenciais (80% obrigatoria) e participación activa, que require a preparación previa dos exercicios propostos. Entrega de todos os traballos e exercicios de clase.	10
Outras	Exame final da materia, con tempo controlado e material restrinxido, que constará de dúas partes: - Parte teórica sobre os contidos expostos nas sesións maxistrais, aplicados e desenvolvidos durante as sesións prácticas. As respostas redactaranse en lingua galega. (30%). - Parte práctica, que consistirá na tradución de inglés a galego dun fragmento dun texto audiovisual. (70%). O exame final realizarase no mes de maio, nas dúas últimas sesións presenciais do curso (de unha hora e media cada unha). Na primeira destas dúas sesións, o alumnado fará a parte teórica e na segunda, a parte práctica.	40

Outros comentarios sobre a Avaliación
A materia é presencial (é obrigatoria a asistencia ao 80% das clases). Se un alumno ou alumna non pode cursar a materia de maneira presencial e, polo tanto, acollerse ao sistema de avaliación continua, deberá informar á profesora e renunciar por escrito a este sistema de avaliación nun prazo de dúas semanas a partir do primeiro día de clase. Neste caso, deberá realizar un exame final en maio (avaliación única). Tamén terá que realizar un exame final o alumnado que suspenda a avaliación continua e se presente á convocatoria de xullo. Tanto o exame de avaliación única como o exame da convocatoria de xullo constarán de dúas partes: - Proba presencial, con tempo controlado e material restrinxido (50%). Esta proba constará, á súa vez, dunha parte teórica sobre os contidos recollidos nesta guía (30%) e unha parte práctica, que consistirá na tradución de inglés a galego dun fragmento dun texto audiovisual (70%). As datas para esta proba serán as mesmas estipuladas para o exame final da avaliación continua, que constan no apartado de avaliación. - Encargo de tradución (50%). Ademais da tradución de inglés a galego dun fragmento dun texto audiovisual, incluirá un comentario crítico sobre as estratexias empregadas para a resolución de problemas específicos. O comentario redactarase en lingua galega. Se se detecta o plaxio nalgún dos traballos entregados, a cualificación será 0.