|
As metodoloxías descritas no cadro anterior e as porcentaxes asignadas a cada unha delas aplícanse unicamente ao sistema de avaliación continua.
ESIXENCIAS DO SISTEMA DE AVALIACIÓN CONTINUA:
- Entregar dentro do prazo establecido o 80% das tarefas encomendadas ao longo do curso, incluídas aquelas que non teñen peso na cualificación final. Dentro dese 80% inclúense obrigatoriamente as seguintes:
a) Traballo tutelado.
b) Proxecto de tradución inversa.
c) Proba teórica de resposta curta sobre os contidos mínimos esixidos*.
d) A tarefa do apartado de resolución de exercicios que for seleccionada para corrixir e puntuar.
Os alumnos que desexen acollerse ao sistema de avaliación continua deberán indicalo nas dúas primeiras semanas de curso.
ESIXENCIAS DO SISTEMA DE AVALIACIÓN ÚNICA:
Os estudantes que non se acollan ao sistema de avaliación continua deberán presentarse a un exame final que suporá o 100% da cualificación final e que constará das seguintes probas (indícase o peso de cada proba dentro do exame entre parénteses):
1. Proba teórica sobre os contidos mínimos esixidos*. (40%)
2. Proba sobre o libro de lectura obrigatoria: o estudante deberá reflexionar brevemente sobre os aspectos do libro que se lle indiquen e relacionalos cos contidos do curso. A proba desenvolverase en calquera dos idiomas da combinación lingüística da materia (10%).
3. Proba práctica de tradución de dous textos breves (de arredor de 200 palabras cada un): un deles do inglés cara ao español (25%) e outro do español cara ao inglés (25%).
Para o desenvolvemento do examen non se permite o uso de apuntamentos nin de medios telemáticos. O EXAME FINAL CELEBRARASE NA ÚLTIMA SEMANA DO CURSO (17-21 DE DECEMBRO DE 2012). AS DATAS E HORAS PRECISAS NOTIFICARANSELLES CON SUFICIENTE ANTELACIÓN AOS ESTUDANTES A TRAVÉS DA PLATAFORMA FAITIC E POR CORREO ELECTRÓNICO.
SEGUNDA CONVOCATORIA
PARA SUPERAR A MATERIA NA SEGUNDA CONVOCATORIA, OS ESTUDANTES DEBERÁN APROBAR UN EXAME, QUE SE CELEBRARÁ NA DATA OFICIAL PREVISTA POLO DECANATO DO CENTRO E QUE CONSTARÁ DAS SEGUINTES PROBAS (indícase o peso de cada proba dentro do exame entre parénteses):
1. Proba teórica sobre os contidos mínimos esixidos*. (40%)
2. Proba práctica de tradución de dous textos breves (de arredor de 200 palabras cada un): un deles do inglés cara ao español (25%) e outro do español cara ao inglés (25%).
3. Proba sobre o libro de lectura obrigatoria: o estudante deberá reflexionar brevemente sobre os aspectos do libro que se lle indiquen e relacionalos cos contidos do curso. A proba desenvolverase en calquera dos idiomas da combinación lingüística da materia (10%).
Para desenvolver o exame de segunda convocatoria non se permite o uso de apuntamentos nin medios telemáticos.
EXCEPCIONALMENTE, PODERÁ ACORDARSE COS ESTUDANTES QUE NON SUPERASEN UNHA PARTE CONCRETA DA MATERIA O MECANISMO OPORTUNO PARA RECUPERAR ESA PARTE NA SEGUNDA CONVOCATORIA.
PARA SUPERAR A MATERIA SERÁ NECESARIO OBTER, COMO MÍNIMO, A CUALIFICACIÓN DE APROBADO TANTO NA PARTE TEÓRICA COMO NA PARTE PRÁCTICA, SEXA CAL FOR A CONVOCATORIA E O SISTEMA DE AVALIACIÓN ELIXIDO.
En calquera das probas, traballos ou exercicios, independentemente da convocatoria e do sistema de avaliación elixido, obterán a cualificación de suspenso aqueles alumnos que:
- Cometan máis de dúas faltas de ortografía. Este criterio non se aplicará nas tarefas de tradución inversa (español-inglés).
- Cometan un contrasentido (aplicable ás traducións).
- Incurran en plaxio total ou parcialmente.
*CONTIDOS TEÓRICOS MÍNIMOS ESIXIDOS:
1. Diferenzas entre coñecemento xeral e especializado.
2. Características dos textos especializados.
3. A comunicación científica: obxectivos, fins e axentes.
4. Diferenzas entre textos científicos e textos técnicos.
5. O método científico.
6. Metas da linguaxe científica.
7. Xéneros textuais propios dos ámbitos científicos e técnicos.
8. Elementos e características do estilo científico-técnico.
9. Notación científica e unidades de medida.
|
