|
O alumnado deberá informar á docente nas dúas primeiras semanas de clase a súa elección de acollerse á avaliación continua ou non. O alumnado que se acolla a avaliación continua deberá entregar os exercicios e traducións nos prazos marcados pola profesora. O alumnado que non cumpra cos prazos marcados pasará automaticamente a avaliación única. O alumnado que se acolla á avaliación continua e obteña unha cualificación de suspenso deberá presentarse á convocatoria extraordinaria de xullo (data indicada na páxina web da FFT) nas condicións que se especifican a continuación: 1. Proba oral en francés para amosar os seus coñecementos da linguaxe económica tanto da lingua de partida como de chegada, sobre teoría, lecturas e artigos do curso: 20% da nota 2. Tradución directa e inversa con tempo limitado (2 probas de 1:00 h cada unha ): 25%+25% da nota. Non se poderá usar material auxiliar se se trata dunha carta comercial. 3. 2 encomendas de tradución comentadas ( unha directa e outra inversa) que recibirá o alumnado o 06 e 10 de maio de 2016 para entregar segundo as condicións especificadas nas encomendas nun máximo de 4 días naturais: 15%+ 15% da nota. Será preciso aprobar cada unha das probas para poder facer a media. 1ª EDICIÓN DE ACTAS (MAIO) E 2ª EDICIÓN DE ACTAS EN XULLO (DATA PÁXINA WEB FFT) PARA NON ASISTENTES O alumnado que non se acolla á avaliación continua presentarase o día 06 e 10 de maio de 2016 na aula C14 ou/e en xullo na data indicada na páxina web da FFT para realizar as probas correspondentes que consistirán en: 1. Proba oral en francés para amosar os seus coñecementos da linguaxe económica tanto da lingua de partida como de chegada, sobre teoría, lecturas e artigos do curso: 20% da nota 2. Tradución directa e inversa con tempo limitado (2 probas de 1 h 45' cada unha ): 25%+25% da nota. Non se poderá usar documentación se se trata de carta comercial (INVERSA) e o tempo só será de 1 hora. 3. 2 encomendas de tradución con comentario (unha directa e outra inversa) que recibirá o alumnado na última semana de clases é dicir os días 06 e 10 de maio de 2016 (ou o día do exame oficial de xullo se se trata da 2.ª edición de actas) e que deberá entregar segundo as condicións especificadas nas encomendas nun máximo de 3 días naturais: 20%+ 20% da nota. Será preciso aprobar cada unha das partes especificadas para poder facer a media. O plaxio será motivo de suspenso |
