O alumnado deberá informar ao docente nas dúas primeiras semanas de clase a súa elección de acollerse á avaliación continua ou non. En todo caso, para poder acollerse a ela, debe asistir polo menos ao 80% das horas presenciais. O alumnado que se acolla á avaliación continua e obteña unha cualificación de suspenso deberá presentarse á convocatoria extraordinaria de xullo nas condicións que se especifican a continuación: 1. Proba oral en francés para amosar os seus coñecementos da linguaxe económica tanto da lingua de partida como de chegada, sobre teoría, lecturas e artigos do curso: 20% da nota 2. Tradución directa e inversa con tempo limitado (2 probas de 1:00 h cada unha ): 25%+25% da nota. Non se poderá usar material auxiliar. 3. 2 encomendas de tradución comentadas ( unha directa e outra inversa) que recibirá o alumnado o día do exame oficial e que deberá entregar segundo as condicións especificadas nas encomendas nun máximo de 7 días naturais: 15%+ 15% da nota. Será preciso aprobar cada unha das probas para poder facer a media. CONVOCATORIA ORDINARIA E EXTRAORDINARIA OFICIAL DE XULLO PARA NON ASISTENTES O alumnado que non se acolla á avaliación continua presentarase o penúltimo día de aulas para realizar unha proba que consistirá en: 1. Proba oral en francés para amosar os seus coñecementos da linguaxe económica tanto da lingua de partida como de chegada, sobre teoría, lecturas e artigos do curso: 20% da nota 2. Tradución directa e inversa con tempo limitado (2 probas de 1:00 h cada unha ): 25%+25% da nota. Non se poderá usar documentación 3. 2 encomendas de tradución comentadas ( unha directa e outra inversa) que recibirá o alumnado o día do exame oficial e que deberá entregar segundo as condicións especificadas nas encomendas nun máximo de 7 días naturais: 20%+ 20% da nota. Será preciso aprobar cada unha das probas especificadas para poder facer a media. O plaxio será motivo de suspenso |